കാണാതായ 13 കാരി തമിഴ്‌നാട്ടില്‍?, കനത്ത മഴയ്ക്ക് സാധ്യത; ഇന്നത്തെ 5 പ്രധാന വാർത്തകൾ

കഴക്കൂട്ടത്തു നിന്നും കാണാതായ 13 കാരി ട്രെയിനില്‍ കന്യാകുമാരി ഭാ​ഗത്തേക്ക് യാത്ര ചെയ്യുന്ന ദൃശ്യം പൊലീസിന് ലഭിച്ചു. ഇന്നലെ രാവിലെയാണ് ഇതര സംസ്ഥാന തൊഴിലാളികളുടെ മകളായ പെൺകുട്ടിയെ വീട്ടിൽ നിന്നും കാണാതാകുന്നത്

കഴക്കൂട്ടത്തു നിന്നും കാണാതായ പെണ്‍കുട്ടി തമിഴ്‌നാട്ടിലേക്ക് പോയതായി സൂചന. ബാംഗ്ലൂര്‍-കന്യാകുമാരി എക്‌സ്പ്രസില്‍ കുട്ടി യാത്ര ചെയ്തതായി സ്ഥിരീകരിച്ചു. പൊലീസ് സംഘം കന്യാകുമാരിയിലേക്ക് തിരിച്ചു

പട്ടികജാതി- പട്ടിക വർ​ഗ സംഘടനകൾ ആഹ്വാനം ചെയ്ത ഭാരത് ബന്ദ് ഇന്ന്. എസ് സി- എസ്ടി വിഭാഗത്തിലെ ഉപസംവരണ നീക്കത്തിനെതിരെയാണ് ബന്ദിന് ആഹ്വാനം നൽകിയത്. കേരളത്തിൽ ഹർത്താൽ ആണ്

ഇരട്ട ചക്രവാതച്ചുഴി, ന്യൂനമർദ്ദപാത്തി എന്നിവയുടെ ഫലമായി സംസ്ഥാനത്ത് കനത്ത മഴയ്ക്ക് സാധ്യത; ആറു ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. ശേഷിക്കുന്ന എട്ടു ജില്ലകളിൽ യെല്ലോ അലർട്ടും പുറപ്പെടുവിച്ചിട്ടുണ്ട്

ഇന്ത്യയിൽ കഴിയുന്ന മുൻ പ്രധാനമന്ത്രി ഷെയ്ഖ് ഹസീനയെ വിചാരണയ്ക്കായി ബംഗ്ലാദേശിന് കൈമാറണമെന്ന് ബംഗ്ലാദേശ് നാഷണൽ പാർട്ടി. നിയമപരമായ വഴിയിലൂടെ ഹസീനയെ ഇന്ത്യ കൈമാറണമെന്ന് ബിഎൻപി ആവശ്യപ്പെട്ടു

ഓൺലൈൻ ലോൺ ആപ്പുകാരുടെ ഭീഷണിയെത്തുടർന്ന് യുവതി ജീവനൊടുക്കി. പെരുമ്പാവൂർ കണിച്ചാട്ടുപാറ അരുവാപ്പാറ കുരിയപ്പുറം വീട്ടിൽ ആരതി (31) ആണ് മരിച്ചത്