കൊച്ചി: ഹേമ കമ്മിറ്റി റിപ്പോര്ട്ട് പുറത്തുവന്നതിന് പിന്നാലെ സിനിമ സംഘടനകള് നിലപാട് വ്യക്തമാക്കണമെന്ന് നിര്മാതാവ് സാന്ദ്ര തോമസ്. സംഘടനകള് മൗനം പാലിക്കുന്നത് ആര്ക്കുവേണ്ടിയാണെന്നും ഈ സംഘടനകളിലെല്ലാം പതിനഞ്ച് അംഗ പവര്ഗ്രൂപ്പിന്റെ പ്രാതിനിധ്യം ഉണ്ടെന്ന് സംശയിക്കേണ്ടിയിരിക്കുന്നുവെന്നും സാന്ദ്ര ഫെയ്സ്ബുക്കില് കുറിച്ചു.
ലോകസിനിമക്കു ഒരുപാട് പ്രതിഭകളെ സമ്മാനിച്ച മലയാള സിനിമ പൊതു സമൂഹത്തിനു മുന്നില് അപഹാസ്യമായിക്കൊണ്ടിരിക്കുകയാണ്, ഈ അവസ്ഥ വന്നു ചേര്ന്നതില് എല്ലാ സിനിമ സംഘടനകള്ക്കും പങ്കുണ്ട് , ഇനിയും നിലപാട് വ്യക്തമാക്കിയില്ലെങ്കില് പൊതുസമൂഹം നമ്മെ കല്ലെറിയുമെന്നും കുറിപ്പില് പറയുന്നു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഫെയ്സ്ബുക്ക് കുറിപ്പ്
സിനിമ സംഘടനകള് നിലപാട് വ്യക്തമാക്കണം.
കേരളം മുഴുവന് ചര്ച്ച ചെയ്യുന്ന ഹേമ കമ്മിറ്റി റിപ്പോര്ട്ടില് എല്ലാ സംഘടനകളും മൗനം പാലിക്കുന്നത് ആര്ക്ക് വേണ്ടി? അതിനര്ത്ഥം എല്ലാ സംഘടനകളിലും കമ്മിറ്റി റിപ്പോര്ട്ട് പറയുന്ന 15 അംഗ പവര്ഗ്രൂപ്പിന്റെ പ്രാധിനിധ്യം ഉണ്ടെന്ന് സംശയിക്കേണ്ടിയിരിക്കുന്നു. ഇത്തരം ഒരു പവര് ഗ്രൂപ്പിനെ കുറിച്ച് വര്ഷങ്ങള്ക്കു മുന്പ് കോംപ്റ്റിറ്റിവ് കമ്മീഷന് പ്രതിപാദിച്ചിട്ടുള്ളത് ഇവിടെ പ്രസക്തമാണ് . ഒരു റിപ്പോര്ട്ട് പഠിക്കാന് ഒരാഴ്ച എടുക്കേണ്ട കാര്യമില്ലെന്ന് ഞാനും നിങ്ങളും അടക്കം എല്ലാവര്ക്കും അറിയാം. ലോകസിനിമക്കു ഒരുപാട് പ്രതിഭകളെ സമ്മാനിച്ച മലയാള സിനിമ പൊതു സമൂഹത്തിനു മുന്നില് അപഹാസ്യമായിക്കൊണ്ടിരിക്കുകയാണ്, ഈ അവസ്ഥ വന്നു ചേര്ന്നതില് എല്ലാ സിനിമ സംഘടനകള്ക്കും പങ്കുണ്ട്, ഇനിയും നിലപാട് വ്യക്തമാക്കിയില്ലെങ്കില് പൊതുസമൂഹം നമ്മെ കല്ലെറിയും.
കമ്മിറ്റി റിപ്പോര്ട്ടിന്റെ അടിസ്ഥാനത്തില് എന്തെല്ലാം പരിഹാര നടപടികള് ഈ സംഘടനകള് എടുക്കുന്നുവെന്ന് പൊതുവേദിയില് വന്ന് വ്യക്തമാക്കണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
