'മുകേഷ് പറയുന്നത് പച്ചക്കള്ളം, പണം ആവശ്യപ്പെട്ട് ബ്ലാക്ക് മെയില് ചെയ്തിട്ടില്ല'
കൊച്ചി: ലൈംഗിക പീഡനാരോപണം നിഷേധിച്ച മുകേഷ് എംഎല്എയുടെ വിശദീകരണം തള്ളി നടി മിനു മുനീര്. ആരോപണത്തിന് പിന്നില് ബ്ലാക്ക് മെയിലിങാണ് ലക്ഷ്യമെന്ന മുകേഷിന്റെ ആരോപണം നിഷേധിച്ച മിനു, നിയമ നടപടികളുമായി മുന്നോട്ടുപോകുമെന്നും പറഞ്ഞു.
'മുകേഷ് പറയുന്നത് പച്ചക്കള്ളമാണ്. സിനിമയില് അവസരങ്ങള് നല്കണമെന്ന് പറഞ്ഞ് മുകേഷിനെ സമീപിച്ചിട്ടില്ല. അവസരം നല്കാന് മുകേഷ് സംവിധായകന് ഒന്നും അല്ലല്ലോയെന്നും മിനു പറഞ്ഞു. തന്നെ അറിയാമെന്ന് മുകേഷ് പറഞ്ഞത് നന്നായി. മുകേഷിനെ പണം ആവശ്യപ്പെട്ട് ബ്ലാക്ക് മെയില് ചെയ്തിട്ടില്ല. ബ്ലാക്ക് മെയില് ചെയ്തെങ്കില് അന്ന് തന്നെ പൊലീസില് പരാതിപ്പെടാമായിരുന്നില്ലെയെന്നും മിനു മുനീര് പറഞ്ഞു. എന്താണ് പരാതി നല്കാന് മുകേഷ് വൈകിയത്?. മുകേഷ് പറയുന്നതെല്ലാം കള്ളമാണെന്നും നിയമ നടപടികളുമായി മുന്നോട്ടുപോകുമെന്നും മിനു മുനീര് പറഞ്ഞു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
'താന് ഉള്പ്പെടെയുള്ള ചലച്ചിത്ര പ്രവര്ത്തകര്ക്കെതിരെ ഉയര്ന്നു വന്നിട്ടുള്ള ആരോപണങ്ങള് സംബന്ധിച്ചുള്ള അന്വേഷണങ്ങളെ സ്വാഗതം ചെയ്യുന്നു. വസ്തുനിഷ്ഠവും സുതാര്യവുമായ അന്വേഷണം ഇക്കാര്യത്തില് അനിവാര്യമാണ്. എങ്കില് മാത്രമേ പൊതുസമൂഹം ചര്ച്ച ചെയ്തുവരുന്ന ആരോപണങ്ങളുടെ നിജസ്ഥിതി പുറത്തുവരികയുള്ളു.
ആരുടെയെങ്കിലും വ്യക്തിത്വമോ അന്തസ്സോ ഹനിക്കപ്പെടാന് കൂട്ടുനില്ക്കുന്ന ഒരാള് അല്ല ഞാന്. എന്നാല് ബ്ലാക്ക് മെയില് തന്ത്രങ്ങള്ക്ക് കീഴടങ്ങാനും തയ്യാറല്ല. യാഥാര്ത്ഥ്യങ്ങള് പുറത്തുവരണം ആരോപണങ്ങളുടെ പുകമറ സൃഷ്ടിച്ച് മറ്റുള്ളവരുടെ ജീവിതം തകര്ക്കാന് കെണി വെക്കുന്നവരെ ഒറ്റപ്പെടുത്തുക തന്നെ ചെയ്യും. ഇത്തരക്കാര്ക്കെതിരെ ശക്തമായ നിയമ നടപടികളുമായി മുന്നോട്ട് പോകു'മെന്നും മുകേഷ് പ്രതികരിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
