'പോട്ടെ, പോട്ടെ, അങ്ങട് പോയേ'... കാട്ടാനയെ ചട്ടം പഠിപ്പിച്ച് പൊലീസുകാരൻ, റോഡ് മുറിച്ചു കടത്തി! വൈറൽ വിഡിയോ
തൃശൂർ: അതിരപ്പിള്ളി പൊലീസ് സ്റ്റേഷൻ പരിസരത്ത് ഇറങ്ങിയ കാട്ടാനയെ റോഡ് മുറിച്ചു കടത്തിവിടുന്ന പൊലീസുകാരന്റെ വിഡിയോ വൈറൽ. കേരള പൊലീസിന്റെ ഫെയ്സ്ബുക്ക് പേജിലാണ് വിഡിയോ.
ഏഴാറ്റുമുഖം ഗണപതി എന്ന പേരിൽ അറിയപ്പെടുന്ന കൊമ്പനെയാണ് അതിരപ്പിള്ളി പൊലീസ് സ്റ്റേഷനിലെ സിവിൽ പൊലീസ് ഓഫീസർ കാലടി ഓണമ്പിള്ളി സ്വദേശി മുഹമ്മദിന്റെ ദൃശ്യങ്ങളാണ് വൈറലായത്.
അതിരപ്പിള്ളി മേഖലയിൽ സ്ഥിരമായി എത്തുന്ന ഒറ്റയാനാണ് ഏഴാറ്റുമുഖം ഗണപതി. ആന അതിരപ്പിള്ളി സ്റ്റേഷൻ പരിസരത്ത് സ്ഥിരമായി എത്താറുണ്ട്. പൊലീസുകാർ തന്നെ ആനയെ തുരത്താറുമുണ്ട്.
കഴിഞ്ഞ ദിവസം ആനയെത്തിയതോടെ വാഹന ഗതാഗതം തടസപ്പെട്ടു. ഇതോടെയാണ് പൊലീസുകാർ ഇടപെട്ട് ആനയെ തുരത്തിയത്. മുഹമ്മദ് ആനയോടു റോഡ് മുറിച്ചു കടന്നു പോകാൻ ആവശ്യപ്പെടുന്നതാണ് വീഡിയോ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക
