കൊച്ചി: തന്നെ പരിചയമില്ലെന്ന നിവിന് പോളിയുടെ വാദം കള്ളമെന്ന് പരാതിക്കാരായ യുവതി. സിനിമാ നിര്മാതാവ് എംകെ സുനിലാണ് നിവിന് പോളിയെ പരിചയപ്പെടുത്തിയത്. മയക്കുമരുന്ന് നല്കി മുറിയിലിട്ട് പൂട്ടി ദിവസങ്ങളോളം പീഡിപ്പിച്ചു. നഗ്നചിത്രം പകര്ത്തി നിവിന് പോളിയുടെ സംഘം ഭീഷണിപ്പെടുത്തിയതായും യുവതി ഏഷ്യാനെറ്റ് ന്യൂസിന് നല്കിയ അഭിമുഖത്തില് പറഞ്ഞു.
'2023 നവംബര് ഡിസംബറിലായിരുന്നു സംഭവം. യൂറോപ്പിലേക്ക് വിടാമെന്ന് പറഞ്ഞ് കോട്ടയം സ്വദേശിയായ സുഹൃത്ത് ശ്രേയ മുന്ന് ലക്ഷം രൂപ വാങ്ങിയിരുന്നു. മൂന്ന് മാസം കഴിഞ്ഞ് പണം തിരികെ ചോദിച്ചപ്പോള് സിനിമയില് അവസരം നല്കാമെന്ന് പറഞ്ഞ് ഒരു നിര്മാതാവിനെ പരിചയപ്പെടുത്തി. അയാളുടെ പേര് എകെ സുനില് എന്നാണ്. ഇന്റര്വ്യവിനായി വിളിച്ചിട്ട് ശാരീരികമായി ഉപദ്രവിച്ചു. അത് കഴിഞ്ഞാണ് നിവിന് പോളി, ബഷീര്, വിനു എന്നിവര് ഉപദ്രവിച്ചത്. മയക്കുമരുന്ന് തന്ന് ബോധം കെടുത്തി' - യുവതി പറഞ്ഞു.
നിവിന് പോളി നിഷേധിച്ചുവല്ലോ എന്ന് പറഞ്ഞപ്പോള് 'ഇങ്ങനെ ചെയ്തവര് ആരാണ് സത്യം പറയാറുള്ളത്. മൂന്ന് ദിവസം റൂമില് പൂട്ടിയിട്ടു. എന്റെ നാട്ടിലുള്ള വീട്ടില് കാമറ വയ്ക്കുകയും ഭര്ത്താവിന്റെ മെയില് ഐഡി ഹാക്ക് ചെയ്ത് ഭീഷണിപ്പെടുത്തിയതോടെ അവര് പറഞ്ഞതൊക്കെ ചെയ്യേണ്ടി വന്നു. ശ്വാസം മുട്ടല് വന്നതോടെ അവര് വിമാനത്തില് നാട്ടിലേക്ക് അയക്കുകയായിരുന്നു. പകര്ത്തിയ നഗ്നവീഡിയോ സോഷ്യല് മീഡിയ വഴി പ്രചരിപ്പിച്ചു' - യുവതി പറയുന്നു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
അതേസമയം, യുവതിയെ പരിചയമില്ലെന്നും കണ്ടിട്ടോ സംസാരിച്ചിട്ടോ ഇല്ലെന്നും നടന് നിവിന് പോളി കൊച്ചിയില് മാധ്യമങ്ങളോട പറഞ്ഞു. യുവതിയുടെ പരാതി അടിസ്ഥാനമില്ലാത്തതാണ്. ആദ്യമായാണ് തനിക്കെതിരെ ഇത്തരത്തില് ഒരു പരാതി വരുന്നത്. ആരോപണം പല രീതിയില് ബാധിക്കുന്നു. കുടുംബം ഉള്ളതാണ്. അതിനാല് വസ്തുതകള് മാധ്യമങ്ങള് പരിശോധിക്കണം. പരാതിയില് പറയുന്ന കാര്യം ചെയ്തിട്ടില്ല എന്ന് നൂറ് ശതമാനം ഉറപ്പുള്ളതിനാലാണു മാധ്യമങ്ങളെ കണ്ട് വിശദീകരിക്കുന്നത്. എഫ്ഐആര് റജിസ്റ്റര് ചെയ്തതിനാല് നിയമ പോരാട്ടം നടത്തും. അതിനായി ഏതറ്റംവരെയും പോകും
ഓടിയൊളിക്കേണ്ട കാര്യമില്ലെന്ന് അറിയാവുന്നതുകൊണ്ടാണ് ഇന്ന് തന്നെ വാര്ത്താസമ്മേളനം വിളിച്ചത്. നിയമപരമായി പോരാടും. എന്നെക്കൊണ്ടാവുന്ന രീതിയില് നിരപരാധിത്വം തെളിയിക്കും. എല്ലാവര്ക്കും ജീവിക്കണമല്ലോ. നാളെ ആര്ക്കെതിരെയും ആരോപണം വരാം. അവര്ക്കെല്ലാവര്ക്കും വേണ്ടിയാണ് ഞാനിത് സംസാരിക്കുന്നത്. ഏതന്വേഷണവുമായും സഹകരിക്കും. ഒന്നരമാസം മുന്പാണ് ഊന്നുകല് സ്റ്റേഷനില്നിന്ന് സിഐ വിളിച്ചത്. അദ്ദേഹത്തോടും വാസ്തവമല്ലെന്ന് പറഞ്ഞിരുന്നു.
പുതിയ പരാതി വായിച്ചിട്ടില്ല. ഇന്നത്തെ എഫ്ഐആറിനെക്കുറിച്ച് അറിയില്ല. അന്നത്തെ എഫ്ഐആര് ഫോണ് വിളിച്ച് വായിച്ചു കേള്പ്പിച്ചതാണ്. എനിക്കിതിനെക്കുറിച്ച് അറിയില്ല, നേരിട്ട് വരണമെങ്കില് വരാം എന്ന് തിരിച്ച് പൊലീസിനോട് പറഞ്ഞപ്പോള് അതിന്റെ ആവശ്യമില്ലെന്നായിരുന്നു അന്ന് പൊലീസ് പറഞ്ഞത്. പരാതി വ്യാജമാണെന്ന്് ബോധ്യപ്പെട്ടു. പരാതി കിട്ടിയപ്പോള് അതിന്റെ നടപടിക്രമമായിട്ട് വിളിച്ച് ചോദിച്ചു എന്നായിരുന്നു മറുപടി. ഓഡിഷനുമായി ബന്ധപ്പെട്ട് ഫെയ്സ്ബുക്കില് ആരോപണം ഉയര്ന്നപ്പോള് തന്നെ അതിനെക്കുറിച്ച് അന്വേഷിച്ചിരുന്നു. എന്നാല് ഓഡീഷന് നടന്നിട്ടില്ല എന്നായിരുന്നു സംവിധായകന് ആ സമയത്ത് പറഞ്ഞത്.
പരാതിക്കാരി ഉന്നയിക്കുന്ന കാര്യങ്ങളെക്കുറിച്ച് അന്വേഷിക്കേണ്ടത് പൊലീസാണ്. ഇവരെക്കുറിച്ച് എനിക്ക് അറിയില്ല. ഇവര് ആരാണെന്നറിയില്ല. ഫോണ് വിളിച്ചിട്ടില്ല, മെസേജയച്ചിട്ടില്ല അത്തരത്തി ഒരു തരത്തിലുള്ള ബന്ധവുമില്ല. പലയിടത്തും പോകുമ്പോള് പലരും സെല്ഫി ഒക്കെ എടുക്കാറുണ്ട്. അത്തരത്തില് ഫോട്ടോ എടുത്തിട്ടുണ്ടോ എന്ന കാര്യം വ്യക്തമല്ല. അല്ലാതെയുള്ള ഒരു രീതിയിലുള്ള ബന്ധവും ഈ പെണ്കുട്ടിയുമായിട്ടില്ല. നിവിന് പോളി പറഞ്ഞു. താന് ഇവിടെ തന്നെയുണ്ടാകും. മാധ്യമങ്ങളെ കാണേണ്ട സാഹചര്യമുണ്ടായാല് കാണുമെന്നും നിവിന് പറഞ്ഞു.സത്യമല്ലെന്ന് തെളിയുമ്പോള് മാധ്യമങ്ങളുടെ പിന്തുണ വേണം. തനിക്കെതിരായ പരാതിക്ക് പിന്നില് ഗുഢാലോചനയുണ്ട്. ബ്ലാക്ക് മെയില് ചെയ്യാനാണ് ശ്രമമെന്നും നിവിന് പറഞ്ഞു, സത്യം തെളിയിക്കാന് ഏതറ്റം വരെ പോകും. ഓടിയൊളിക്കില്ലെന്നും നിവിന് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
