ലീവ് വേണ്ടെന്ന് എഡിജിപി , അർജന്റീനയെ തകർത്ത് കൊളംബിയ; ഇന്നത്തെ 5 പ്രധാനവാർത്തകൾ

നിർണായകമായ ഇടതുമുന്നണി നേതൃയോ​ഗം ഇന്ന് ചേരും. എഡിജിപി അജിത് കുമാറിനും മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശിക്കുമെതിരായ ആരോപണങ്ങൾ യോ​ഗത്തിൽ ചർച്ചയായേക്കും. അതിനിടെ അവധി അപേക്ഷ പിൻവലിക്കാൻ എഡിജിപി അജിത് കുമാർ അപേക്ഷ നൽകിയിട്ടുണ്ട്

അവധി പിന്‍വലിക്കാന്‍ എഡിജിപി എം ആര്‍ അജിത് കുമാര്‍ അപേക്ഷ നല്‍കി. ശനിയാഴ്ച മുതല്‍ നാലു ദിവസത്തേക്കായിരുന്നു അവധി അനുവദിച്ചിരുന്നത്. മലപ്പുറത്തെ പൊലീസ് തലപ്പത്തെ കൂട്ടനടപടിക്ക് പിന്നാലെയാണ് അജിത് കുമാറിന്റെ നീക്കം

ഇടതുമുന്നണി നേതൃയോഗം ഇന്ന് തിരുവനന്തപുരത്ത് ചേരും. എഡിജിപി എംആര്‍ അജിത് കുമാറിനും മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി ശശിക്കുമെതിരെ ഉയർന്ന ആരോപണങ്ങളുടെ പശ്ചാത്തലത്തിലാണ് യോഗം. എഡിജിപിയെ മാറ്റാന്‍ ഘടകകക്ഷികള്‍ ആവശ്യപ്പെട്ടേക്കും

മലപ്പുറത്തെ പൊലീസ് തലപ്പത്തെ കൂട്ട സ്ഥലംമാറ്റത്തിന് പിന്നാലെ പ്രതികരണവുമായി മുൻമന്ത്രി കെ ടി ജലീൽ. ഇനി തെറിക്കാനുള്ളത് വൻസ്രാവിൻ്റെ കുറ്റിയാണ്. വൈകാതെ അതും തെറിക്കും. ഞങ്ങളുടെ ക്യാപ്റ്റൻ പിണറായി വിജയനാണ്. കെ ടി ജലീൽ കുറിച്ചു

ലോകകപ്പ് യോഗ്യതാ മത്സരത്തില്‍ വമ്പന്‍ അട്ടിമറിയുമായി കൊളംബിയ. ലോകചാമ്പ്യന്മാരായ അര്‍ജന്റീനയെ ഒന്നിനെതിരെ രണ്ടു ഗോളുകള്‍ക്കാണ് കൊളംബിയ തോല്‍പ്പിച്ചത്. യെര്‍സണ്‍ മൊസക്വറ, ജെയിംസ് റോഡ്രിഗസ് എന്നിവരാണ് കൊളംബിയയുടെ ഗോളുകള്‍ നേടിയത്

വിയറ്റ്നാമിൽ വീശിയടിച്ച യാ​ഗി ചുഴലിക്കാറ്റിനെത്തുടർന്നുള്ള കനത്ത മഴയിലും വെള്ളപ്പൊക്കത്തിലും മരണം 127 ആയി. 54 പേരെ കാണാതായി. പാലങ്ങളും നിരവധി കെട്ടിടങ്ങളും തകർന്നു. മണ്ണിടിച്ചിലിനെത്തുടര്‍ന്ന് റോഡ് ഗതാഗതം താറുമാറായി