
തിരുവനന്തപുരം: പ്രതിഷേധങ്ങള്ക്കിടെയും കിഫ്ബി നിര്മിക്കുന്ന സംസ്ഥാനത്തെ റോഡുകള്ക്ക് യൂസര് ഫീ ഏര്പ്പെടുത്താനുള്ള നീക്കവുമായി സര്ക്കാര് മുന്നോട്ട്. കരട് നിയമം തയ്യാറാക്കി ബില്ല് അവതരിപ്പിക്കാനുള്ള നീക്കത്തിലാണ് സര്ക്കാര്.
. നിയമസഭ ബജറ്റ് സമ്മേളനത്തില് തന്നെ ബില്ല് കൊണ്ടുവരാനാണ് സര്ക്കാര് നീക്കം. കിഫ്ബി നിര്മിച്ച സംസ്ഥാന പാതകളിലൂടെ 15 കിലോമീറ്ററിന് മുകളില് യാത്ര ചെയ്യുന്നവരില് നിന്നായിരിക്കും യൂസര് ഫീസ് വാങ്ങുകയെന്നാണ് കരട് നിയമത്തില് പറയുന്നത്.
50 വര്ഷം കൊണ്ട് മുടക്കിയ പണം തിരിച്ചു കിട്ടുന്ന രീതിയിലായിരിക്കും നിരക്ക് നിശ്ചയിക്കുക. പുതിയ റോഡുകള്ക്ക് മാത്രമല്ല കിഫ്ബി സഹായത്തോടെ നിര്മാണം പൂര്ത്തിയായി കഴിഞ്ഞ റോഡുകള്ക്കും യൂസര് ഫീ ബാധകമായിരിക്കും. 50 കോടിക്ക് മുകളില് എസ്റ്റിമേറ്റുള്ള റോഡുകള്ക്ക് യൂസര് ഫീ ചുമത്തുമെന്നും കരട് നിയമത്തില് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക