ചോയിക്കുട്ടി ന്യൂസ് ഫോട്ടോഗ്രാഫി പുരസ്കാരം ഇ ഗോകുലിന്

2024 ജൂലൈ 31ന് 'ദി ന്യൂ ഇന്ത്യൻ എക്സ്പ്രസിൽ' പ്രസിദ്ധീകരിച്ച ചിത്രത്തിനാണ് പുരസ്കാരം
News Photography Award
ഇ ഗോകുൽ
Updated on

കോഴിക്കോട്: അന്തരിച്ച മുതിർന്ന ഫോട്ടോ ജേർണലിസ്റ്റ് ചോയിക്കുട്ടിയുടെ പേരിൽ ചോയിക്കുട്ടി സ്റ്റുഡൻ്റ്സ് ഫൗണ്ടേഷൻ ഏർപ്പെടുത്തിയ വാർത്താ ചിത്ര പുരസ്കാരത്തിന് 'ദി ന്യൂ ഇന്ത്യൻ എക്സ്പ്രസ്' കോഴിക്കോട് ബ്യൂറോയിലെ സീനിയർ ഫോട്ടോഗ്രാഫർ ഇ ഗോകുൽ അർഹനായി. 2024 ജൂലൈ 31 ന് ദി ന്യൂ ഇന്ത്യൻ എക്സ്പ്രസിൽ പ്രസിദ്ധീകരിച്ച വയനാട് ചൂരൽമല ഉരുൾപൊട്ടലിൽ അകപ്പെട്ട കൈക്കുഞ്ഞിനെ എൻഡിആർഎഫ് സംഘം രക്ഷപ്പെടുത്തുന്ന ചിത്രത്തിനാണ് പുരസ്കാരം.

15000 രൂപയും ഫലകവും, പ്രശസ്തിപത്രവും അടങ്ങുന്നതാണ് പുരസ്കാരം. ഫെബ്രുവരി 4ന് 12 മണിക്ക് കാലിക്കറ്റ് പ്രസ് ക്ലബിൽ നടക്കുന്ന ചടങ്ങിൽ സാഹിത്യകാരൻ കൽപറ്റ നാരായണൻ പുരസ്കാരം സമ്മാനിക്കും.

പി മുസ്തഫ (റിട്ട. ചീഫ് ഫോട്ടോഗ്രാഫർ, മലയാള മനോരമ ), എസ് ഗോപകുമാർ (ഫോട്ടോ ജേർണലിസ്റ്റ് പിടിഐ), ആർഎസ് അയ്യർ (ഫോട്ടോ എഡിറ്റർ, എപി) എന്നിവരടങ്ങുന്ന ജൂറിയാണ് പുരസ്കാര ജേതാവിനെ നിർണയിച്ചത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക

Related Stories

No stories found.
logo
Samakalika Malayalam
www.samakalikamalayalam.com