കോഴിക്കോട് മണ്ണിടിഞ്ഞ് അപകടം; തൊളിലാളി മരിച്ചു, രണ്ട് പേർക്ക് പരിക്ക്

കോഴിക്കോട്: കോഴിക്കോട് നെല്ലിക്കോട് മണ്ണിടിഞ്ഞ് അപകടം. തൊഴിലാളി മരിച്ചു. നഗരത്തോട് ചേര്‍ന്ന ബെപ്പാസില്‍ പുതിയ ആറ് വരിപാതയ്ക്ക് സമീപത്തെ സ്വകാര്യ ഫ്‌ളാറ്റിന്റെ നിര്‍മാണ പ്രദേശത്താണ് അപകടം. മണ്ണിടിഞ്ഞ് തൊഴിലാളികളുടെ ദേഹത്തേക്ക് വീഴുകയായിരുന്നു.

മൂന്ന് തൊഴിലാളികളാണ് അപകടത്തില്‍പ്പെട്ടത്. ഇതില്‍ രണ്ട് പേരെ രക്ഷപ്പെടുത്തി. ഒരാൾ മണ്ണിനടിയില്‍ കുടുങ്ങുകയായിരുന്നു. ഫയര്‍ഫോഴ്‌സും നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയാണ് തൊഴിലാളിയെ പുറത്തെടുത്തത്. രക്ഷാപ്രവർ‍ത്തനത്തിനിടയിലും മണ്ണിടിഞ്ഞിരുന്നു.