ഉത്സവകാല തിരക്ക്: എറണാകുളത്തു നിന്ന് ഡല്ഹിയിലേക്ക് സ്പെഷല് ട്രെയിന്; റിസര്വേഷന് ആരംഭിച്ചു
കൊച്ചി: ഉത്സവകാലത്തെ യാത്രാതിരക്ക് പരിഗണിച്ച് എറണാകുളത്തു നിന്നും ഡല്ഹി ഹസ്രത് നിസാമുദ്ദീനിലേക്ക് പ്രത്യേക ട്രെയിന് അനുവദിച്ച് റെയില്വേ. എറണാകുളം ജങ്ഷന് - ഹസ്രത് നിസാമുദ്ദീന് സൂപ്പര് ഫാസ്റ്റ് സ്പെഷല് ട്രെയിനാണ് അനുവദിച്ചത്.
എറണാകുളം ജങ്ഷന് സ്റ്റേഷനില് നിന്ന് ബുധനാഴ്ച ( ഏപ്രില് 16) വൈകീട്ട് 6.05 ന് ട്രെയിന് പുറപ്പെടും. ഏപ്രില് 18 ന് രാത്രി 8.35 ന് ട്രെയിന് ഹസ്രത് നിസാമുദ്ദീനില് എത്തിച്ചേരും.
20 സെക്കന്ഡ് ക്ലാസ് സ്ലീപ്പര് കോച്ചുകള്, രണ്ട് സെക്കന്ഡ് ക്ലാസ് ജനറല് കോച്ചുകള് എന്നിവയാണ് ഉണ്ടാവുക. റിസര്വേഷന് തിങ്കളാഴ്ച വൈകീട്ട് ആരംഭിച്ചു.
ആലുവ, തൃശൂര്, പാലക്കാട്, പോത്തനൂര്, തിരുപ്പൂര്, ഈറോഡ്, സേലം, ജോലാര്പേട്ട, കാട്പാഡി, റെനിഗുണ്ട, ഗുഡൂര്, ഓന്ഗോലെ, വിജയവാഡ, വാറങ്കല്, ബല്ഹര്ഷ, നാഗ്പുര്, ഇറ്റാര്സി, ഭോപ്പാല്, ബിന, ജാന്സി, ഗ്വാളിയോര്, ആഗ്ര, മഥുര എന്നിവിടങ്ങളില് സ്റ്റോപ്പുണ്ടാകും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
