'കരുതല് കണ്ണുകള് വേണം'; സമരം ചെയ്യുന്ന ആശാവര്ക്കര്മാര്ക്ക് കുടയും കോട്ടും വിതരണം ചെയ്ത് സുരേഷ് ഗോപി
തിരുവനന്തപുരം: സമരം ചെയ്യുന്ന ആശാവര്ക്കര്മാര്ക്ക് പിന്തുണയുമായി കേന്ദ്രമന്ത്രി സുരേഷ് ഗോപി. തിരുവനന്തപുരത്ത് കനത്തമഴ തുടരുന്നതിനിടെ ആശാവര്ക്കര്മാര്ക്ക് കുടയും കോട്ടും വിതരണം ചെയ്യുകയും ചെയ്തു.
ആശാവര്ക്കര്മാര്ക്ക് നേരെ ഗൂഢശ്രമങ്ങളൊന്നുമുണ്ടാകാതെ കരുതല് കണ്ണുകള് വെയ്ക്കണമെന്ന് സുരേഷ് ഗോപി മാധ്യമപ്രവര്ത്തകരോട് പറഞ്ഞു. ഡല്ഹിയില് വിഷയം ഉന്നയിക്കുമെന്നും ബിജെപി അധ്യക്ഷന് ജെപി നഡ്ഡയുമായി ചര്ച്ച ചെയ്യുമെന്നും മാധ്യമപ്രവര്ത്തകരുടെ ചോദ്യങ്ങള്ക്ക് മറുപടിയായി സുരേഷ് ഗോപി പറഞ്ഞു.
കഴിഞ്ഞ ദിവസം പെയ്ത മഴ കൊള്ളാതിരിക്കാന് ആശാവര്ക്കര്മാര് ടാര്പോളിന് ഷീറ്റ് മറച്ചുകെട്ടിയിരുന്നു. എന്നാല് സുരക്ഷാ കാരണങ്ങള് ചൂണ്ടിക്കാണിച്ച് പൊലീസ് അത് മാറ്റുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
