പാക് സൈനിക കേന്ദ്രത്തില്‍ ഭീകരാക്രമണം: 15 മരണം; ഇന്നത്തെ 5 പ്രധാന വാർത്തകൾ

സിപിഎം സംസ്ഥാന സമ്മേളനത്തിന് കൊല്ലം ഒരുങ്ങി. സമ്മേളനത്തിന്റെ പതാക ഇന്ന് ഉയരും. പൊതുസമ്മേളന ന​ഗരിയായ ആശ്രാമം മൈതാനത്ത് വൈകീട്ട് അഞ്ചുമണിക്ക് കെ എൻ ബാല​ഗോപാൽ പതാക ഉയർത്തും

പാകിസ്ഥാന്‍ സൈനിക കേന്ദ്രത്തിലുണ്ടായ ഭീകരാക്രമണത്തില്‍ 15 പേര്‍ കൊല്ലപ്പെട്ടു. 35 പേര്‍ക്ക് പരിക്കേറ്റു. ആറു ഭീകരരെ വധിച്ചതായി പാക് സൈന്യം അറിയിച്ചു.

ആശമാരുടെ ഇന്‍സെന്റീവ് ഉള്‍പ്പെടെ 636.88 കോടി രൂപ ലഭിച്ചിട്ടില്ലെന്ന് കേരളം. കേന്ദ്രത്തിന്റെ പ്രചാരണം തെറ്റാണെന്ന് സംസ്ഥാന സർക്കാർ വ്യക്തമാക്കി. നടപടി ക്രമങ്ങൾ പാലിച്ചിട്ടും കേന്ദ്രം ഫണ്ട് അനുവദിച്ചില്ലെന്നും കേരളം കുറ്റപ്പെടുത്തുന്നു.

സ്വര്‍ണം കടത്താന്‍ ശ്രമിക്കുന്നതിനിടെ കന്നഡ നടി രന്യ റാവു അറസ്റ്റില്‍.ദുബായില്‍ നിന്നാണ് രന്യ സ്വര്‍ണം കടത്തിയത്. 14.8 കിലോ സ്വര്‍ണമാണ് നടിയില്‍ നിന്നും പിടിച്ചെടുത്തത്.

ചാംപ്യന്‍സ് ട്രോഫിയിലെ ദയനീയ പരാജയത്തിന് പിന്നാലെ പാകിസ്ഥാന്‍ ടീമില്‍ വന്‍ അഴിച്ചുപണി. ന്യൂസിലാന്‍ഡിനെതിരായ ടി 20 ടീമില്‍ നിന്നും ക്യാപ്റ്റന്‍ മുഹമ്മദ് റിസ് വാന്‍, മുന്‍ നായകന്‍ ബാബര്‍ അസം എന്നിവരെ ഒഴിവാക്കി

ചാംപ്യൻസ് ട്രോഫി ക്രിക്കറ്റിന്റെ രണ്ടാം സെമിയിൽ ന്യൂസിലൻഡും ദക്ഷിണാഫ്രിക്കയും ഇന്ന്‌ ഏറ്റുമുട്ടും. ഉച്ചകഴിഞ്ഞ് 2.30 മുതൽ ലാഹോറിലാണ് മത്സരം. ഇന്നത്തെ മത്സരത്തിലെ ജേതാക്കളാണ് ഫൈനലിൽ ഇന്ത്യയുടെ എതിരാളികൾ