നോട്ടം പിഴച്ച് തൊടുന്നിടം.
എവിടെ എപ്പോള് എന്നു പറയാനാകാതെ
കിളിച്ചുണ്ടു കണ്ണിനുള്ളില് രേഖപ്പെടുത്തും സമയം.
ഇത് ചോരക്കുഞ്ഞിന് കണ്ണുകള്
ഇത് കണ്ണിനുള്ളാലേ പായും ചിറകടി,
ബുള്ബുള് പക്ഷി.
പക്ഷികള്ക്കുള്ളിലെ പ്രാചീനലിപി
കൂ എന്ന് ഉദയം
കൂ എന്ന് അസ്തമയം.
കൂകൂ കൂകൂ കുകുകു കൂ
കുക്കൂ കുക്കൂ കുക്കുക്കു കൂ
കുകുകൂ കുകുകൂ കുകുകുക്കു കൂ
നിന്റെ കൊക്കുകള് സുന്ദരമെന്ന വ്യാജം
ഞാനിപ്പോള് എഴുതാന് തുടങ്ങി.
കുട്ടിയായിരിക്കെ ഒരുനാള് കൊയ്ത്തിന് പുഞ്ചയില് നിനക്കിഷ്ടപ്പെട്ട കതിരുകളില് വലയിട്ട് ഞാനിരുന്നതിന്റെ പൊള്ളയായ നിമിഷങ്ങള് നടുക്കങ്ങള് ചുണ്ടായചുണ്ടുകളില് പകര്ന്ന് ഈ നേരം എന്റെ വേദനകളെല്ലാം പങ്കുവയ്ക്കെ,
കണ്ണുനീറിക്കരയാതെ കുഞ്ഞേ,
നീ കഴിക്കേണ്ട മരുന്നുകള്
ഞാന് കഴിക്കാം.
എന് മുല
മതിയാകുവോളം നീ കുടിക്കൂ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ