ആറല്ലവള്‍പെറ്റ
തറുപത്തിനാലാണ്
അറുപത്തിനാലുനല്‍ച്ചേലാണ്
ചേലെന്ന് ചൊല്യാല്‍
ചെറുതാണ്
ചെറുതത്,
കുറുകിയ വലുതാണ്
വലുത്,
പെരുതായ ചെറുതാണ്
സ്ഥൂലസുസൂക്ഷ്മ
നിലയാണ്
പാരിലവര്‍ക്കുള്ള
പേരിന്‍പെരുമയില്‍
ഭോജരാജന്‍ സന്മനസ്സാണ്
ആറല്ലവള്‍പെറ്റ
തറുപത്തിനാലാണ്
അറുപത്തിനാല്‍വരും
ജോറാണ്
1
അറുപത്തിനാലിനേം
പേറിയോരമ്മയി
ന്നറമുറെക്കരയുന്ന
നീറാണ്
കാണുവാനില്ല
കരള്‍ക്കണ്മണികളെ
കരണലയങ്ങളെ,
നേരാണ്!
വ്യാധി പകര്‍ന്നാടി നില്‍ക്കുന്നൊരിക്ഷിതി
വേദി വെടിഞ്ഞവര്‍ പോയതാവാം
കരുണബീഭത്സരാത്രം വെറുത്തവ
രരുണോത്സവത്തിന്ന് ചെന്നതാവാം
ആവാ;മിതെന്നോരനിശ്ചിതത്വത്തിലി
ന്നാവുമ്മനോഭാവമമ്മയാവാം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
