അലാബാമ: അഞ്ചുവരിപ്പാതയിലൂടെ നീങ്ങുന്ന ഒരു കാറിന്റെ കാറില് ഘടിപ്പിച്ച വീഡിയോ ക്യാമറയില് പതിഞ്ഞ ദൃശ്യങ്ങളാണിത്. കാറിനെ മറികടന്ന് പോകുന്ന ഒരു ജീപ്പ് അതിവേഗത്തില് ചെന്ന് ഒരു കാറിനെ ഇടിച്ച് ഉയര്ന്നുപൊങ്ങി മറിഞ്ഞുവീഴുന്നു. ഈ സമയത്ത് കാറിന്റെ പാര്ട്സുകളെല്ലാം തെറിച്ചുവീഴുന്നുമുണ്ട്. അതിനൊപ്പം തെറിച്ചുപോയ ഡ്രൈവര് തെറിച്ചുവീണ അതേ വേഗത്തില് എഴുന്നേറ്റ് കാറിനടുത്തേക്കെത്തുന്നതാണ് വീഡിയോ.
എ.ജെ കാല്വിന് എന്നയാളാണ് ഫെയ്സ്ബുക്കില് തന്റെ കാറില് നിന്നും എടുത്ത ഈ വീഡിയോ പോസ്റ്റ് ചെയ്തിരിക്കുന്നത്. അത് എബിസി ന്യൂസ് അപ്പോള്ത്തന്നെ വാര്ത്തയാക്കി. ആ അത്ഭുതമനുഷ്യനെക്കുറിച്ച് അന്വേഷിക്കാനും തുടങ്ങി. പിന്നീട് എന്ഡിടിവി അടക്കമുള്ള മാധ്യമങ്ങള് വാര്ത്തയാക്കിയതോടെ സോഷ്യല്മീഡിയകളില് ഈ വീഡിയോ വൈറലായി മാറിയിരിക്കുന്നു. ഏപ്രില് 25ന് അമേരിക്കയുടെ തെക്കുകിഴക്കന് സ്റ്റേറ്റായ അലാബാമയിലാണ് സംഭവം അരങ്ങേറിയത്.
വീഡിയോ കാണാം:
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ