ക്വാലാലംപൂര്‍: കിം ജോങ് നാമിന്റെ കൊലപാതകത്തില്‍ നോര്‍ത്ത് കൊറിയന്‍ എംബസിയിലെ മുതിര്‍ന്ന അംഗത്തിന് പങ്കുണ്ടെന്ന് സ്ഥിരീകരിച്ച് മഷ്യേന്‍ പൊലീസ്. നോര്‍ത്ത കൊറിയന്‍ എംബസിയിലെ രണ്ടാമത്തെ സെക്രട്ടറി റാങ്കില്‍ ഉള്ള ഉദ്യോഗസ്ഥനാണ് ഇദ്ദേഹം. നോര്‍ത്ത് കൊറിയന്‍ എയര്‍ലൈനായ എയര്‍ കൊറിയോയിലെ ഒരു ഉദ്യോഗസ്ഥനും സംഭവത്തില്‍ പങ്കുള്ളതായി പൊലീസ് പറയുന്നു. കൃത്യത്തില്‍ പങ്കുണ്ടെന്ന് കരുതുന്ന നാല് പേര്‍ മലേഷ്യ വിട്ടിട്ടുണ്ട് എന്നാണ് പൊലീസ് കരുതുന്നത്. ഇവര്‍ അന്നേദിവസം തന്നെ ഉത്തര കൊറിയിലെത്തിയിരിക്കാം എന്നും പൊലീസ് കരുതുന്നു.
മലേഷ്യയിലെ ക്വാലലംപൂര്‍ എയര്‍പ്പോര്‍ട്ടില്‍ വെച്ച് കഴിഞ്ഞയാഴ്ച്ചയാണ് ഉത്തര കൊറിയന്‍ ഭരണാധികാരി കിം ജോങ് ഉന്നിന്റെ സഹോദരന്‍ കിം ജോങ് നാം അക്രമിക്കപ്പെട്ടത്. വിമാനത്താവളത്തില്‍ വെച്ച് നാം അക്രമിക്കപ്പെടുന്നതിന്റെ സിസി ടിവി ദൃശ്യങ്ങള്‍ കഴിഞ്ഞ ദിവസം പുറത്തു വന്നിരുന്നു. ഇതിന് പിന്നാലെയാണ് കൊലപപാതകത്തിന് പിന്നിലെ നോര്‍ത്ത് കൊറിയന്‍ ബന്ധത്തിലേക്ക് കൂടുതല്‍ വെളിച്ചം വീശുന്ന തെളിവുകളുമായി മലേഷ്യന്‍ പൊലീസ് രംഗത്തെത്തിയിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
