പത്രക്കാരുടെ അത്താഴം ട്രംപിന് വേണ്ട
Published: 26th February 2017 08:59 PM |
Last Updated: 26th February 2017 08:59 PM | A+A A- |
വാഷിംഗ്ടണ്‍: അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന് മാധ്യമങ്ങളോടുള്ള നീരസം മാറുന്നില്ല. വൈറ്റ്ഹൗസ് കറസ്‌പോണ്ടന്റ്‌സ് അസോസിയേഷന്‍ നല്‍കുന്ന അത്താഴ വിരുന്നില്‍ പങ്കെടുക്കില്ലെന്ന് ട്വിറ്ററിലൂടെ പ്രഖ്യാപിച്ചാണ് ട്രംപ് അവസാനമായി മാധ്യമങ്ങളോടുള്ള തന്റെ നീരസം വ്യക്തമാക്കിയത്.
I will not be attending the White House Correspondents' Association Dinner this year. Please wish everyone well and have a great evening!
— Donald J. Trump (@realDonaldTrump) February 25, 2017
കഴിഞ്ഞ 36 വര്‍ഷത്തിനിടയില്‍ ആദ്യമായാണ് അമേരിക്കന്‍ പ്രസിഡന്റ് പദവിയിലിരുക്കുന്നയാള്‍ ഈ അത്താഴവിരുന്നില്‍ പങ്കെടുക്കാതിരിക്കുന്നത്. 1921 മുതലാണ് പ്രസിഡന്റിനെ അത്താഴത്തിന് വിളിക്കുന്ന പതിവ് ആരംഭിച്ചത്.
1981ലാണ് അവസാനമായി ഈ അത്താഴത്തില്‍ ഒരു പ്രസിഡന്റ് പങ്കെടുക്കാതിരിക്കുന്നത്. അന്നത്തെ പ്രസിഡന്റായിരുന്ന റൊണാള്‍ഡ് റീഗന് വെടിയേറ്റതിനെ തുടര്‍ന്നാണ് അദ്ദേഹം പങ്കെടുക്കാതിരുന്നത്. ട്രംപിനെതിരായ വാര്‍ത്തകള്‍ കൊടുക്കുന്നു എന്നു കാണിച്ച് ബിബിസി, സിഎന്‍എന്‍ അടക്കമുള്ള ചില പ്രമുഖ മാധ്യമങ്ങള്‍ക്ക് വൈറ്റ് ഹൗസില്‍ വിലക്കേര്‍പ്പെടുത്തിയിരുന്നു.
