മൊസൂള്: ഇസ്ലാമിക് സ്റ്റേറ്റിന്റെ അധീനതയില് നിന്നും മോചിപിച്ച മൊസൂള് നഗരത്തിലെ കൂടുതല് ഭാഗങ്ങളെ പറ്റി ഔദ്യോഗിക അറിയിപ്പ് നടത്തുകയാണ് ഇപ്പോള് ഇറാഖി സൈന്യം. കഴിഞ്ഞ ദിവസം മൊസൂള് നഗരത്തില് നിന്നും തെക്കോട്ട് സഞ്ചരിക്കാന് സഹായിച്ചിരുന്ന ഹൂറിയ ബ്രിഡ്ജ് തിരികെ പിടിച്ചതായി അമേരിക്കന്-ഇറാഖി സംയുക്ത സൈന്യം പ്രഖ്യാപിച്ചു.
ടൈഗ്രീസ് നദിയുടെ കുറുകെ നഗരത്തിലുള്ളത് ആകെ അഞ്ച് പാലങ്ങളാണ്.
ഇവയുടെ എല്ലാം നിയന്ത്രണം ഇസ്ലാമിക് സ്റ്റേറ്റിന്റെ കയ്യിലായിരുന്നു. ഇതെല്ലാം തിരികെ പിടിച്ചിരിക്കുകായണ് ഇപ്പോള് സൈന്യം. യുദ്ധത്തില് തകര്ന്ന പാലങ്ങള് എത്രയും വേഗം പുനര് നിര്മ്മിക്കുമെന്നും സൈന്യം ഉറപ്പ് നല്കിയിട്ടുണ്ട്.
പടിഞ്ഞാറന് മൊസൂള് തിരികെ പിടിക്കാന് കഴിഞ്ഞ മാസം 19മാണ് ഇറാഖ്-അമേരിക്ക സംയുക്ത സൈന്യം നടപടി ആരംഭിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ