ലൈംഗികബന്ധത്തിലേര്‍പ്പെടാന്‍ വിസമ്മതിച്ചു; മുന്‍ സൗന്ദര്യ റാണിയെ ക്ലബ് ഉടമ വെടിവെച്ചുകൊന്നു

തന്റെ ജന്മദിനം ആഘോഷിക്കാനായി അടുത്ത സുഹൃത്തിനൊപ്പം ക്ലബ്ബിലെത്തിയ പവീന നമുയെന്‍ഗുര്‍ക്കാണ് അതിദാരുണമായി കൊല്ലപ്പെട്ടത്
ലൈംഗികബന്ധത്തിലേര്‍പ്പെടാന്‍ വിസമ്മതിച്ചു; മുന്‍ സൗന്ദര്യ റാണിയെ ക്ലബ് ഉടമ വെടിവെച്ചുകൊന്നു

ലൈംഗികബന്ധത്തില്‍ ഏര്‍പ്പെടാന്‍ വിസമ്മതിച്ച മുന്‍ സൗന്ദര്യ റാണിയെ ക്ലബ് ഉടമ വെടിവെച്ചുകൊന്നു. തായ്‌ലന്‍ഡിലെ ചോന്‍ബുരിയിലാണ് സംഭവമുണ്ടായത്. തന്റെ ജന്മദിനം ആഘോഷിക്കാനായി അടുത്ത സുഹൃത്തിനൊപ്പം ക്ലബ്ബിലെത്തിയ പവീന നമുയെന്‍ഗുര്‍ക്കാണ് അതിദാരുണമായി കൊല്ലപ്പെട്ടത്. ഇവരോടൊപ്പമുണ്ടായിരുന്ന സുഹൃത്തും വെടിയേറ്റ് മരിച്ചു. 

ബാര്‍ മുതലാളിയായ 43 കാരനായ പന്യ യിങാങ്ങാണ് ക്രൂരകൃത്യം നടത്തിയത്. സംഭവത്തിന് ശേഷം ഒളിവില്‍ പോയ ഇയാള്‍ക്കുവേണ്ടി പൊലീസ് തിരച്ചില്‍ ആരംഭിച്ചു. 20 കാരിയായ പവീന മുന്‍പ് ഡാന്‍സറായി ജോലി ചെയ്തിരുന്നത് ഇയാളുടെ ബാറിലാണ്. കഴിഞ്ഞ രണ്ട് വര്‍ഷമായി ഇയാള്‍ വിവാഹാഭ്യര്‍ത്ഥന നടത്തുന്നുണ്ട്. ഇത് അംഗീകരിക്കാത്തതാണ് ഇയാളെ പ്രകോപിപ്പിച്ചത്. 

യുവതിയുടെ അടുത്ത സുഹൃത്തായ നന്‍താചയാണ് കൊല്ലപ്പെട്ടത്. ഇരുവരും പ്രണയത്തിലാണെന്ന് സംശയിച്ചാണ് ഇയാള്‍ കൊല നടത്തിയത്. ഇരുവരേയും കണ്ട പന്യ തോക്കെടുത്ത് വെടിയുതിര്‍ക്കുകയായിരുന്നു. മുന്‍ ലോകസുന്ദരിയുടെ തലയിലും നെഞ്ചിലുമായി നാല് ബുള്ളറ്റാണ് തളച്ചു കയറിയത്. ഇരുവരും സംഭവ സ്ഥലത്തുവെച്ചുതന്നെ കൊല്ലപ്പെട്ടു. സംഭവ സമയം ഇവരുടെ കൂടെയുണ്ടായിരുന്ന മറ്റൊരാള്‍ പരിക്കേല്‍ക്കാതെ രക്ഷപ്പെട്ടു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com