ബ്യൂണസ് ഐയേഴ്സ്: അര്ജന്റീന സന്ദര്ശിക്കാനെത്തിയ പ്രധാനമന്ത്രി നരേന്ദ്രമോദിക്ക് ഫിഫ ' മോദി' ജഴ്സി സമ്മാനിച്ചു. ജി-20 ഉച്ചകോടിയില് പങ്കെടുക്കുന്നതിനായാണ് മോദി അര്ജന്റീനയിലെത്തിയത്.
പേര് രേഖപ്പെടുത്തിയ നീല ജഴ്സി ഫിഫ പ്രസിഡന്റ് സമ്മാനിച്ച കാര്യം
പ്രധാനമന്ത്രി തന്നെയാണ് ട്വിറ്ററില് പങ്കുവച്ചത്. അര്ജന്റീനയെന്നാല് ഫുട്ബോളെന്നാണ് ഇന്ത്യയില് പറയുന്നതെന്നും അര്ജന്റീനിയന് താരങ്ങള് ഇന്ത്യക്കാരുടെ ഇഷ്ടതാരങ്ങളാണ് എന്നും മോദി ട്വിറ്ററില് പറഞ്ഞു.
മറഡോണയ്ക്ക് ഇന്ത്യയില് നിരവധി ആരാധകരുണ്ടെന്ന് പറഞ്ഞ മോദി ഇരു രാജ്യങ്ങളും തമ്മിലുള്ള ഫുട്ബോള് ബന്ധത്തെ കുറിച്ച് സംസാരിക്കാനും സമയം കണ്ടെത്തി. ഇന്ത്യന് തത്വചിന്തയോടും സംഗീതത്തോടും താത്പര്യമുള്ളവര് ഇവിടെയുള്ളത് പോലെയാണ് ഇന്ത്യയിലെ ലക്ഷക്കണക്കിന് വരുന്ന ഫുട്ബോള് ആരാധകര് എന്നും അദ്ദേഹം കൂട്ടിച്ചേര്ത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ