പതിവുതെറ്റിക്കാതെ ഈ വര്‍ഷവും യുഎസ് മുന്‍ പ്രസിഡന്റ് ബറാക്ക് ഒബാമ തന്നെ ഏറ്റവുമധികം പ്രചോദിപ്പിച്ച പുസ്തകങ്ങളും പാട്ടുകളും പങ്കുവച്ചു. 2017ലെ ഒബാമയുടെ പ്രിയപ്പെട്ട പുസ്തകങ്ങളില്‍ പാക്കിസ്താന്‍ എഴുത്തുകാരന്‍ മൊഹ്‌സിന്‍ ഹാമിദിന്റെ എക്‌സിറ്റ് വെസ്റ്റും പാട്ടുകളുടെ ലിസ്റ്റില്‍ കെന്‍ഡ്രിക് ലാമാറിന്റെയും ജയ് സിയും ഇടം നേടി.
അമേരിക്കന്‍ പ്രസിഡന്റായി സ്ഥാനമെടുത്തപ്പോള്‍ മുതലുള്ള തന്റെ ശീലമാണ് ഒരു വര്‍ഷം അവസാനിക്കുമ്പോള്‍ പോയവര്‍ഷം ഏറ്റവും പ്രിയപ്പെട്ട പുസ്തകങ്ങളെയും പാട്ടുകളെയുകുറിച്ച് എല്ലാവരോടും പങ്കുവയ്ക്കുക എന്ന് പറഞ്ഞുകൊണ്ടാണ് ഒബാമ 2017ലെ ലിസ്റ്റ് പങ്കുവച്ചത്.
ലിസ്റ്റിലെ പുസ്തകങ്ങള്‍ ഇങ്ങനെ നീളുന്നു, നവോമി ആല്‍ഡര്‍മാന്റെ ദി പവര്‍, റോണ്‍ ഷെര്‍നോവിന്റെ ഗ്രാന്റ്, മാത്യൂ ഡെസ്മണ്ടിന്റെ എവിക്റ്റഡ്: പോവര്‍ട്ടി ആന്‍ഡ് പ്രോഫിറ്റ് ഇന്‍ ദി അമേരിക്കന്‍ സിറ്റി, ആമി ഗോള്‍ഡ്‌സ്‌റ്റൈയ്‌ന്റെ ആന്‍ അമേരിക്കന്‍ സ്‌റ്റോറി, മൊഹ്‌സിന്‍ ഹാമിദിന്റെ ഈസ്റ്റ് വെസ്റ്റ്, ജെയിംസ് മക്‌ബ്രൈഡിന്റെ ഫൈവ്-കാരറ്റ് സോള്‍, എലിസബത്ത് സ്‌ട്രോട്ടിന്റെ എനിതിങ് ഈസ് ഇംപോസിബിള്‍, കോറി ടെയ്‌ലറിന്റെ ഡൈയിംഗ്: എ മെമോയിര്‍, അമോര്‍ ടോവ്ല്‍സിന്റെ എ ജന്റില്‍മാന്‍ ഇന്‍ മോസ്‌കോ. ജെസ്മിന്‍ വാര്‍ഡിന്റെ സിങ്, അണ്‍ബറീഡ്, സിങും ഒബാമയുടെ ലിസ്റ്റില്‍ ഉള്‍പ്പെടുന്നു.
പാട്ടുകളില്‍ കരീം അബ്ദുള്‍ ജബ്ബാറിന്റെ കോച്ച് വുഡന്‍ ആന്‍ഡി മിയും ഷെയ് സെറാനോയുടെ ബാസ്‌ക്കറ്റ്‌ബോളും ഉള്‍പ്പെടുന്നു. ലാമാറിന്റെ ഹംബിളും ജയ് സിയുടെ ഫാമിലി ഫ്യൂഡും ഇടം നേടി. ഹാരി സ്റ്റൈല്‍സിന്റെ സൈന്‍ ഓഫ് ദി ടൈംസും ലിസ്റ്റിലുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
