സ്റ്റൈല് മന്നന് രജനീകാന്ത് രാഷ്ടീയ പ്രവേശനത്തേക്കുറിച്ച് പ്രഖ്യാപനം നടത്തിയതിന് പിന്നാലെ വിവിധ തുറകളില് നിന്ന് സമ്മിശ്ര പ്രതികരണമാണ് വരുന്നത്. നിരവധി രാഷ്ട്രീയക്കാരും സിനിമാതാരങ്ങളും ഇതിനെക്കുറിച്ച് അഭിപ്രായം പറഞ്ഞു കഴിഞ്ഞു. ശ്രീലങ്കന് മുന് പ്രസിഡന്റ് മഹീന്ദ്ര രജപക്സെയുടെ മകന് നമലാണ് അവസാനമായി സ്റ്റൈല് മന്നന്റെ രാഷ്ട്രീയ പ്രവേശത്തെക്കുറിച്ച് അഭിപ്രായം പറഞ്ഞിരിക്കുന്നത്. ശിവാജി സിനിമയിലെപ്പോലെ നല്ല കാര്യങ്ങള് ചെയ്തതുകൊണ്ട് ജയിലില് കിടക്കുന്നത് കാണാന് ആഗ്രഹിക്കുന്നില്ലെന്നാണ് തന്റെ ട്വീറ്റിലൂടെ നമല് പറയുന്നത്.
'എന്റെ അച്ഛന് രജപക്സെയുടെ ഏറ്റവും പ്രീയപ്പെട്ട നായകന്മാരില് ഒരാളായ രജനികാന്ത് രാഷ്ട്രീയത്തിലേക്ക് വരികയാണ്. ഇത് നല്ല വാര്ത്തയാണ്. സിനിമയില് നടന്നത് ജീവിതത്തില് ആവര്ത്തിക്കില്ലെന്ന് പ്രതീക്ഷിക്കാം. ശിവാജി സിനിമയിലേതു പോലെ നല്ല കാര്യങ്ങള് ചെയ്തതുകൊണ്ട് അദ്ദേഹം ജയിലില് കിടക്കുന്നതു കൊണാന് ആഗ്രഹിക്കുന്നില്ല. രാഷ്ട്രീയത്തിലേക്ക് രജനീകാന്തിന് സ്വാഗതം' - നമല് രജപക്സെ ട്വീറ്റ് ചെയ്തു.
ഡിസംബര് 31 നാണ് രജനീകാന്ത് തന്റെ രാഷ്ട്രീയ പ്രവേശത്തെക്കുറിച്ച് പ്രഖ്യാപനം നടത്തിയത്. ഇതിന്റെ ഭാഗമായി പുതിയ പാര്ട്ടി രൂപീകരിക്കുമെന്നും അദ്ദേഹം പറഞ്ഞു. അടുത്ത നിയമസഭാ തെരഞ്ഞെടുപ്പില് എല്ലാ സീറ്റുകളിലും മത്സരിക്കാനുള്ള തയാറെടുപ്പിലാണ് അദ്ദേഹം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ