നോര്വേ; സ്ത്രീകളുടെ വ്യാജപ്രൊഫൈല് ഉപയോഗിച്ച് യുവാവ് 300 ആണ്കുട്ടികളെ ലൈംഗികമായി പീഡിപ്പിച്ചതായി കേസ്. നോര്വയിലെ ഫുട്ബോള് പരിശീലകന് എതിരേയാണ് കേസ്. 30 വയസില് താഴെ മാത്രം പ്രായമുള്ള ഇയാള് 20 വയസു മുതലാണ് ആണ്കുട്ടികളെ ലൈംഗികമായി ഉപയോഗിക്കാന് തുടങ്ങിയത്. നോര്വേയുടെ ചരിത്രത്തില് തന്നെ ആദ്യമായാണ് ഇത്തരത്തിലുള്ള വലിയ കേസുണ്ടാകുന്നത്.
സോഷ്യല് മീഡിയയില് സ്ത്രീകളുടെ വ്യാജ പ്രൊഫൈലുകള് ഉണ്ടാക്കിയാണ് ഇയാള് ആണ്കുട്ടികളെ വശീകരിച്ചത്. 13നും 16 നും ഇടയില് പ്രായമുള്ളവരാണ് ഇയാളുടെ ലൈംഗിക വൈകൃതത്തിന് ഇരയായത്. കുട്ടികളുടെ സ്വകാര്യ ചിത്രങ്ങള് വാങ്ങിയതിന് ശേഷം ലൈംഗിക പ്രവൃത്തികള്ക്ക് അവരെ നിര്ബന്ധിക്കുകയായിരുന്നു. തന്റെ സ്വകാര്യ ചിത്രങ്ങള് തിരിച്ചയക്കാമെന്ന ഉറപ്പും ഇയാള് ഇരകള്ക്ക് നല്കിയിരുന്നു. 2011 മുതലാണ് ഇയാള് കുട്ടികളെ ലൈംഗിക ചൂഷണത്തിന് ഇരയാക്കിയത്. കേസിന്റെ വിചാരണ 2019 ല് തുടങ്ങും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ