പെട്ടി കണ്ടപ്പോൾ വിമാനത്താവളം നിശ്ചലം, തുറന്നു നോക്കിയപ്പോൾ തേങ്ങ; ഇത് മലയാളി തന്നെയെന്ന് ഉറപ്പിച്ച് സോഷ്യൽ മീഡിയ

സ്ഫോടകവസ്തുക്കളാണെന്ന പൊലീസ് നി​ഗമനത്തെതുടർന്ന് ദീര്‍ഘനേരം വിമാന സര്‍വീസുകൾ നിർത്തിവയ്ക്കുകപൊലും ചെയ്തു
പെട്ടി കണ്ടപ്പോൾ വിമാനത്താവളം നിശ്ചലം, തുറന്നു നോക്കിയപ്പോൾ തേങ്ങ; ഇത് മലയാളി തന്നെയെന്ന് ഉറപ്പിച്ച് സോഷ്യൽ മീഡിയ

റോം: റോമിലെ ഫിയുമിസിനിയോ വിമാനത്താവളത്തിൽ ഒരു പെട്ടിയുണ്ടാക്കിയ പുകിൽ ചെറുതൊന്നുമല്ല. സംശയാസ്പദമായ സാഹചര്യത്തിൽ ഉടമസ്ഥനില്ലാതെ ഉപേക്ഷിച്ചനിലയിൽ കാണപ്പെട്ട പെട്ടിയിൽ ബോംബാണെന്ന ഭീതി യാത്രക്കാരെയും വിമാനത്താവളജീവനക്കാരെയുമടക്കം ഭീതിയിലാക്കി. ഫിയുമിസിനിയോ വിമാനത്താവളത്തിലെ ടെര്‍മിനല്‍ മൂന്നിലാണ് പെട്ടി കണ്ടെത്തിയത്. സ്ഫോടകവസ്തുക്കളാണെന്ന പൊലീസ് നി​ഗമനത്തെതുടർന്ന് ദീര്‍ഘനേരം വിമാന സര്‍വീസുകൾ നിർത്തിവയ്ക്കുകപൊലും ചെയ്തു. 

ഒടുവിൽ ബോംബ് സ്ക്വാഡ് എത്തി നടത്തിയ പരിശോധനയിലാണ് പെട്ടിയിൽ തേങ്ങയാണെന്ന് കണ്ടെത്തിയത്. ഇതോടെ വിമാനത്താവളത്തിന്റെ പ്രവർത്തനം സാധാരണ നിലയിലേക്കെത്തി. എങ്കിലും സമൂഹമാധ്യമങ്ങളിലൂടെ സംഭവം പ്രചരിച്ചുകൊണ്ടിരിക്കുകയാണ്. പെട്ടിയിൽ ബോംബെന്ന് കണ്ടെത്തിയ ഉദ്യോ​ഗസ്ഥരെയും പേടിച്ച് മാറിനിന്ന യാത്രക്കാരെയും ട്രോളിക്കൊണ്ടുള്ളതാണ് ട്വിറ്റർ കമന്റുകൾ.

പെട്ടിയിൽ നിന്ന് കണ്ടെത്തിയത് തേങ്ങയാണെന്നറിഞ്ഞ് ഇത് കേരളത്തിൽ നിന്നുള്ള ആരുട‌െയെങ്കിലും പെട്ടിയായിരിക്കുമെന്ന് പോലും കമന്റുകളെത്തി. എന്നാൽ പെട്ടിയുടെ യഥാർത്ഥ ഉടമസ്ഥാനെ ഇനിയും കണ്ടെത്താൻ കഴിഞ്ഞിട്ടില്ലെന്ന് വിമാനത്താവളത്തിലെ സുരക്ഷാ ഉദ്യോ​ഗസ്ഥർ പറഞ്ഞു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com