ലണ്ടന്‍; സ്വയം ജീവനെടുക്കുന്നവരുടെ എണ്ണത്തില്‍ വലിയ വര്‍ധനവുണ്ടായ സാഹചര്യത്തില്‍ ഇതിനെ നേരിടാന്‍ പുതിയ തന്ത്രവുമായി ബ്രിട്ടീഷ് പ്രധാനമന്ത്രി തെരേസ മേയ്. ആത്മഹത്യ ചെയ്യുന്നവരുടെ എണ്ണം കുറക്കാനായി മന്ത്രിസഭയിലേക്ക് ഒരു മന്ത്രിയെ കൂടി ഉള്‍പ്പെടുത്തിയിരിക്കുകയാണ് തെരേസ മേയ്. ആത്മഹത്യ തടയുക എന്നതാണ് പുതിയ മന്ത്രിയുടെ ചുമതല. പുതിയതായി ഉള്‍പ്പെടുത്തിയ പോസ്റ്റിലേക്ക് ജാക്കി ഡോയല്‍ പ്രൈസിനെയാണ് തെരഞ്ഞെടുത്തിരിക്കുന്നത്.
ആത്മഹത്യ ചെയ്യുന്നവരുടെ എണ്ണം കുറക്കാനായി ദേശിയ തലത്തില്‍ നടക്കുന്ന ശ്രമങ്ങളുടെ ഭാഗമായാണ് മന്ത്രിയെ നിയമിച്ചത്. ആളുകള്‍ക്ക് സൗജന്യമായി കൗണ്‍സലിങ് ലഭ്യമാക്കുന്ന സമാരിറ്റന്‍സ് ചാരിറ്റിക്ക് 18 കോടിയോളം രൂപയും അനുവദിച്ചു. ഓരോ വര്‍ഷവും 4500 പേരാണ് ഇംഗ്ലണ്ടില്‍ ആത്മഹത്യ ചെയ്യുന്നത്. പുതിയ നീക്കം രാജ്യത്തെ ആത്മഹത്യാ നിരക്ക് കുറക്കുമെന്നാണ് പ്രതീക്ഷിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
