ജുബ: ദക്ഷിണ സുഡാനില്‍ ചെറു വിമാനം തകര്‍ന്ന് 19 പേര്‍ മരിച്ചു. ജുബയില്‍ നിന്ന് യിരോളിലേക്ക് യാത്ര പുറപ്പെട്ട 19 സീറ്റുള്ള കോമേഴ്‌സ്യല്‍ ബേബി എയര്‍ വിമാനം യാത്രാ മധ്യേ തടാകത്തില്‍ തകര്‍ന്ന് വീഴുകയായിരുന്നു. പൈലറ്റും സഹ പൈലറ്റുമടക്കം 23 പേരാണ് വിമാനത്തിലുണ്ടായിരുന്നത്. അമിത ഭാരമാണ് അപകടത്തിന് കാരണമെന്നാണ് പ്രാഥമിക നിഗമനം. മൃതദേഹങ്ങള്‍ അപകട സ്ഥലത്ത് നിന്ന് കണ്ടെടുത്തു. യാത്രക്കാരില്‍ കൂടുതലും സീറ്റ് ബല്‍റ്റ് ധരിച്ചിരുന്നില്ലെന്നും റിപ്പോര്‍ട്ടുണ്ട്.
സംഭവത്തെ കുറിച്ച് അന്വേഷിക്കുമെന്ന് അധികൃതര്‍ വ്യക്തമാക്കി. ആറ് വയസുള്ള കുട്ടിയും, ഇറ്റാലിയന്‍ ഡോക്ടറും, ഒരു യുവാവും രക്ഷപ്പെട്ടതായും, ഒരാളുടെ നില ഗുരുതരമാണെന്നും റിപ്പോര്‍ട്ടുകളുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
