ബെയ്ജിംഗ്: ചൈനയിൽ ശക്തമായ ചുഴലിക്കൊടുങ്കാറ്റിൽ ആറു പേർ മരിച്ചു. 190 പേർക്ക് പരിക്കേൽക്കുകയും ചെയ്തിട്ടുണ്ട്. വടക്കുകിഴക്കൻ ചൈനയിലെ കൈയുവാനിൽ ബുധനാഴ്ച പ്രാദേശിക സമയം വൈകുന്നേരം 5:15 ഓടെയാണ് പെട്ടെന്ന് കാലാവസ്ഥ മാറുകയും അപകടമുണ്ടാവുകയും ചെയ്തത്.
ചുഴലിക്കാറ്റിൽ നിരവധി കെട്ടിടങ്ങൾ തകർന്നു വീണു. നിരവധി വാഹനങ്ങളും തകർന്നിട്ടുണ്ട്. കെട്ടിടാവശിഷ്ടങ്ങൾക്കിടയിൽനിന്ന് 210 പേരെ ഇതുവരെ രക്ഷപെടുത്തി. 1,600 പേരെ സുരക്ഷിത സ്ഥാനത്തേക്ക് മാറ്റി. 63 പേരെ ആശുപത്രിയിൽ പ്രവേശിപ്പിച്ചു. പ്രദേശത്ത് രക്ഷാപ്രവർത്തനം തുടരുകയാണ്. പൊലീസും ഫയർഫോഴ്സും ഉൾപ്പെടെ 800 രക്ഷാപ്രവർത്തകരാണ് രംഗത്തുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ