ബെര്‍ലിന്‍: അഞ്ചുവര്‍ഷത്തിനിടെ 85 പേരെ കൊലപ്പെടുത്തിയ സീരിയല്‍ കില്ലറിന് മരണം വരെ തടവുശിക്ഷ. ജര്‍മനിയിലെ മുന്‍ നഴ്‌സായ നാല്‍പ്പത്തി രണ്ടുകാരന്‍ നില്‍സ് ഹോഗേലാണ് ഞെട്ടിക്കുന്ന കൊലപാതകങ്ങള്‍ നടത്തിയത്. പ്രത്യേകിച്ച് കാരണങ്ങള്‍ ഒന്നും തന്നെയില്ലാതെയായിരുന്നു കൊലപാതകങ്ങള്‍.
2000- 2005 കാലയളവില്‍ ആശുപത്രിയിലെത്തിയ രോഗികളെ ഒന്നിലധികം മരുന്നുകള്‍ കുത്തിവെച്ച് കൊലപ്പെടുത്തുന്നതായിരുന്നു ഇയാളുടെ രീതി. 34 മുതല്‍ 96 വയസ്സുവരെയുള്ള രോഗികളെയാണ് ഇയാള്‍ കൊലപ്പെടുത്തിയത്. ഡോക്ടറുടെ നിര്‍ദ്ദേശമില്ലാതെ രോഗിക്ക് മരുന്ന് നല്‍കിയതിന്റെ പേരില്‍ 2008ല്‍ ഇയാള്‍ക്കെതിരെ കൊലപാതകക്കുറ്റം ചുമത്തി ഏഴ് വര്‍ഷത്തെ ശിക്ഷ വിധിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
