യുഎന്: അല് ഖയ്ദ നേതാവ് ഒസാമ ബിന് ലാദന്റെ മകന് ഹംസ ബിന് ലാദനെ ഐക്യരാഷ്ട്ര സഭ കരിമ്പട്ടികയില് പെടുത്തി. ഇതോടെ ഹംസയ്ക്ക് യാത്രാ വിലക്കു നിലവില് വന്നു. ഹംസയുടെ സ്വത്ത് മരവിപ്പിക്കുകയും ആയുധ ഇടപാടിന് വിലക്കു വരികയും ചെയ്യും.
അല് ഖയിദയുടെ ഇപ്പോഴത്തെ നേതാവ് അയ്മന് അല് സവാഹിരിയുടെ പിന്ഗാമിയാവാന് സാധ്യതയുള്ളയാള് എന്നു വിലയിരുത്തിയാണ് ഐക്യരാഷ്ട്ര രക്ഷാസമിതിയുടെ നടപടി. ഹംസയുടെ തലയ്ക്ക് കഴിഞ്ഞ ദിവസം യുഎസ് പത്തു ലക്ഷം ഡോളര് വിലയിട്ടിരുന്നു. ഇതിനു പിന്നാലെയാണ് രക്ഷാസമിതിയുടെ നടപടി. ഹംസ ബിന് ലാദന് അല് ഖയിദ അംഗമാണെന്ന് സവാഹിരി വ്യക്തമാക്കിയിട്ടുണ്ടെന്ന് രക്ഷാസമിതി ചൂണ്ടിക്കാട്ടി.
രക്ഷാസമിതി കരിമ്പട്ടികയില് പെടുത്തിയതോടെ യുഎന് അംഗരാജ്യങ്ങളില് ഹംസയ്ക്ക് യാത്രാ വിലക്കു നിലവില് വന്നു. ഈ രാജ്യങ്ങളിലെ സ്വത്തു മരവിപ്പിക്കാനും നടപടിയുണ്ടാവും. അംഗരാജ്യങ്ങള് ഹംസയ്ക്ക് ആയുധങ്ങള് നല്കുകയോ വാങ്ങുകയോ ചെയ്യില്ലെന്നും ഉറപ്പുവരുത്തണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ