കറാച്ചി: പാകിസ്ഥാനിലെ ജയിലിൽ കഴിഞ്ഞിരുന്ന ഇന്ത്യൻ തടവുകാരൻ മരിച്ചതായി റിപ്പോർട്ടുകൾ. ഗുജറാത്ത് സ്വദേശിയായ ബിക്കാഭായ് ബാംബിനിയ (51) എന്ന മത്സ്യത്തൊഴിലാളിയാണ് മരിച്ചത്.
ശാരീരിക അസ്വാസ്ഥ്യങ്ങളെ തുടർന്ന് കഴിഞ്ഞ ആഴ്ച അദ്ദേഹത്തെ ആശുപത്രിയിൽ പ്രവേശിപ്പിച്ചിരുന്നതായി ഇന്ത്യയെ അറിയിച്ചിരുന്നു. വിദേശകാര്യ മന്ത്രാലയവുമായി ബന്ധപ്പെട്ട് എത്രയും വേഗം മൃതദേഹം നാട്ടിലെത്തിക്കാനുള്ള ശ്രമങ്ങൾ നടത്തിവരികയാണ്.
2017 നവംബറിലാണ് അതിർത്തി ലംഘിച്ച് മത്സ്യബന്ധനം നടത്തിയതിനെ തുടർന്ന് ബിക്കുഭായിയെ പാകിസ്ഥാൻ അറസ്റ്റ് ചെയ്തത്.
പുല്‍വാമ ഭീകരാക്രമണത്തിന് ശേഷം ഇന്ത്യയും പാകിസ്ഥാനും തമ്മിലുള്ള ബന്ധം വഷളായതോടെ ഇരു രാജ്യങ്ങളിലെയും തടവുപുള്ളികളുടെ കുടുംബങ്ങളും ആശങ്കയിലാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
