ദുബായ്: പാകിസ്താന് മുന് പ്രസിഡന്റ് പര്വേസ് മുഷാറഫ് മരിച്ചതായുള്ള വാര്ത്തകള് തള്ളി മുഷറഫിന്റെ പാര്ട്ടി രംഗത്തെത്തി. ദുബായില് ചികിത്സയിലുള്ള മുഷാറഫിന്റെ ആരോഗ്യനില വഷളായെന്നും, ഐസിയുവിലേക്ക് മാറ്റിയതായും ചില പാകിസ്താന് മാധ്യമങ്ങള് റിപ്പോര്ട്ട് ചെയ്തതിന് പിന്നാലെയാണ് മുഷാറഫ് മരിച്ചുവെന്ന വാര്ത്ത സമൂഹമാധ്യമങ്ങളിലൂടെ പ്രചരിച്ചത്.
രോഗബാധിതനായ മുഷാറഫ് ചികിത്സയിലാണെന്ന് ഓള് പാകിസ്താന് മുസ്ലീം ലീഗ് ജനറല് സെക്രട്ടറി മെഹ്റീന് മാലിക് സ്ഥിരീകരിച്ചു. പാകിസ്താന്റെ ശത്രുക്കളാണ് മുഷാറഫ് മരിച്ചതായുള്ള വാര്ത്ത പ്രചരിപ്പിക്കുന്നതെന്നും, പൂര്ണ ആരോഗ്യവാനായി മുഷാറഫ് വരുന്നതിനായി പ്രാര്ഥിക്കുകയാണെന്നും മെഹ്റീന് മാലിക് പറഞ്ഞു.
ഞരമ്പുകളെ ബാധിക്കുന്ന അമിലോയിഡോസിസ് എന്ന രോഗത്തിനാണ് മുഷാറഫ് ചികിത്സ തേടുന്നത്. 2016 മാര്ച്ചിലാണ് മുഷാറഫ് പാകിസ്താന് വിടുന്നത്. ചികിത്സയ്ക്ക് വേണ്ടിയെന്ന പേരില് ദുബായിലെത്തിയ മുഷാറഫ് പിന്നെ പാകിസ്താനിലേക്ക് തിരികെ എത്തിയിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ