പ്രതീകാത്മക ചിത്രം
പ്രതീകാത്മക ചിത്രം

ലൈംഗിക ബന്ധത്തിനായി വീട്ടില്‍ യുവതിയെ എത്തിച്ചു; അമ്മ എതിര്‍ത്തു; മകന്‍ വളര്‍ത്തുനായയെ എറിഞ്ഞുകൊന്നു

വീടിന്റെ പതിനെട്ട് വാര മുകളില്‍ നിന്ന് റോക്‌സി എന്ന വളര്‍ത്തുനായയെ ഇയാള്‍ എറിഞ്ഞുകൊല്ലുകയായിരുന്നു

ടെക്‌സാസ്: വീട്ടില്‍ ലൈംഗികബന്ധത്തിന് അവസരം ലഭിക്കാത്തതിനെ തുടര്‍ന്ന് അമ്മയുടെ വളര്‍ത്തുനായയെ മകന്‍ എറിഞ്ഞു കൊന്നതായി പരാതി. മുപ്പത്തിയൊന്‍പതുകാരനായ യുവാണ് വളര്‍ത്തുനായയെ എറിഞ്ഞുകൊന്നത്. അമേരിക്കയിലെ ടെക്്‌സസിലാണ് സംഭവം.

രക്ഷിതാക്കള്‍ക്കൊപ്പമാണ് ഇയാള്‍ താമസിക്കുന്നത്. കഴിഞ്ഞ ദിവസം ലൈംഗികബന്ധത്തിനായി യുവതിയെ വീട്ടില്‍ കൊണ്ടുവന്നപ്പോള്‍ അമ്മ തടസ്സം നിന്നിരുന്നു. ഇത് അംഗീകരിക്കാനാകില്ലെന്ന് അമ്മ തീര്‍ത്തുപറഞ്ഞതോടെ മകന്‍ ക്ഷുഭിതനാവുകയായിരുന്നു. ഇതേതുടര്‍ന്ന് വീടിന്റെ പതിനെട്ട് വാര മുകളില്‍ നിന്ന് റോക്‌സി എന്ന വളര്‍ത്തുനായയെ ഇയാള്‍ എറിഞ്ഞുകൊല്ലുകയായിരുന്നു.

വളര്‍ത്തുനായയെ ഉടനെ തന്നെ വെറ്ററിനറി ഡോക്ടറുടെ  അടുത്തെത്തിച്ചെങ്കിലും ജീവന്‍ രക്ഷിക്കാനായില്ല. ഏറിന്റെ ആഘാതത്തില്‍ വളര്‍ത്തുനായ തലയിടിച്ച് മരിക്കുകയായിരുന്നു. എന്നാല്‍ വളര്‍ത്തുനായയെ ഉപദ്രവിക്കാന്‍ ഇയാള്‍ക്ക് താത്പര്യമില്ലെന്നാണ് പൊലീസ് പറയുന്നത്. സംഭവുമായി ബന്ധപ്പെട്ട് അറസ്റ്റ് ചെയ്ത യുവാവിനെ പൊലീസ് വിട്ടയച്ചു. 5000 പൗണ്ടിനാണ് പൊലീസ് ഇയാള്‍ക്ക് ജാമ്യം അനുവദിച്ചത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com