ന്യൂഡല്ഹി: സാധാരണ ജനങ്ങള്ക്കും ചെറുകിട സംരഭകര്ക്കും വായ്പ അനായാസം ലഭ്യമാക്കി വിപണയില് പണലഭ്യത ഉറപ്പാക്കാന് കേന്ദ്ര സര്ക്കാര് പ്രഖ്യാപിച്ച വായ്പാ മേളകള്ക്ക് ബാങ്കുകള് ഇന്ന് തുടക്കമിടും.
250 ജില്ലകളിലാണ് ഇന്നുമുതല് 4 ദിവസത്തെ മേളകള്. വ്യക്തിഗതം, കൃഷി, വാഹനം. ഭവനം, ചെറുകിട സംരംഭം, വിദ്യാഭ്യാസം എന്നീ ഇനങ്ങളില് തത്സമയം അനുമതി നല്കുന്ന രീതിയാണ് നടപ്പാക്കുക.
പൊതുമേഖലാ ബാങ്കുകളാണ് സര്ക്കാരിന്റെ നിര്ദ്ദേശപ്രകാരം മേള നടത്തുന്നത്. ഓരോ ബാങ്കും ലീഡ് ബാങ്ക് പദവിയിലുള്ള ജില്ലകളിലാണ് മേള നടത്തുക. ഉത്സവസീസണില് പരമാവധി ജനങ്ങള്ക്ക് വായ്പ ലഭ്യമാക്കി വിപണിക്ക് ഉത്തേജനം പകരാനാവുമെന്ന് കണക്കാക്കുന്നു. വായ്പ നല്കുന്നതിന് മുന്നോടിയായുള്ള എല്ലാ പരിശോധനകളും നടത്തിയശേഷമെ തുക നല്കൂ എന്നു ബാങ്കുകള് അറിയിച്ചു. രണ്ടാം ഘട്ട വായ്പാ മേള 150 ജില്ലകളില് 21 ന് തുടങ്ങും
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ