ഗതാഗതനിയമലംഘനത്തിന് കസ്റ്റഡിയില്‍, പൊലീസ് വണ്ടിയില്‍ 'കാമം അടക്കാനാവാതെ' ദമ്പതികളുടെ ലൈംഗികവേഴ്ച; അമ്പരന്ന് പൊലീസ്, കേസ് 

ഗതാഗതനിയമം ലംഘിച്ചതിന് കസ്റ്റഡിയിലെടുത്ത ദമ്പതികളുടെ പ്രവൃത്തി കണ്ട് പൊലീസ് ഞെട്ടി
പ്രതീകാത്മക ചിത്രം
പ്രതീകാത്മക ചിത്രം

ന്യൂയോര്‍ക്ക്: ഗതാഗതനിയമം ലംഘിച്ചതിന് കസ്റ്റഡിയിലെടുത്ത ദമ്പതികളുടെ പ്രവൃത്തി കണ്ട് പൊലീസ് ഞെട്ടി. പൊലീസ് വാഹനത്തിന്റെ പിന്‍സീറ്റ് ലൈംഗികവേഴ്ചയ്ക്ക് ദമ്പതികള്‍ ഉപയോഗിക്കുകയായിരുന്നു.  ഇതോടെ അശ്ലീലം കാണിച്ചത് ഉള്‍പ്പെടെയുളള വകുപ്പുകള്‍ ഇവര്‍ക്കെതിരെ പൊലീസ് ചുമത്തി.

അമേരിക്കയിലെ ഫ്‌ളോറിഡയിലാണ് സംഭവം. ലൈറ്റില്ലാതെ ബൈക്ക് ഓടിച്ചുവരികയായിരുന്നു ആരോണ്‍ തോമസ്- മേഗന്‍ മൊഡനാറോ ദമ്പതികള്‍. ഇതിനിടെ വാഹനം മറ്റൊരു കാറുമായി കൂട്ടിഇടിക്കുകയും ചെയ്തിരുന്നു. ഗതാഗതനിയമം ലംഘിച്ച് വാഹനം ഓടിക്കുന്നതായി വിവരം ലഭിച്ചതിന്റെ അടിസ്ഥാനത്തില്‍ നടത്തിയ പരിശോധനയില്‍ ഇവര്‍ കുടുങ്ങുകയായിരുന്നു. പരിശോധനയില്‍ ഇവര്‍ മദ്യപിച്ചിരുന്നതായും പൊലീസ് കണ്ടെത്തി.

ഇതിന്റെ അടിസ്ഥാനത്തില്‍ ദമ്പതികളെ കസ്റ്റഡിയിലെടുത്ത പൊലീസ് ഇരുവരെയും കാറില്‍ കയറ്റി. തുടര്‍ന്നായിരുന്നു പൊലീസിനെ ഞെട്ടിച്ച സംഭവം അരങ്ങേറിയത്. കാറിന്റെ പുറത്ത് നില്‍ക്കുന്ന സമയം ദമ്പതികള്‍ ലൈംഗിക ബന്ധനത്തിലേക്ക് കടക്കുകയായിരുന്നുവെന്ന് അറസ്റ്റ് റിപ്പോര്‍ട്ടില്‍ പൊലീസ് പറയുന്നു.

ഇത് ശ്രദ്ധയില്‍പ്പെട്ട പൊലീസ് ഉദ്യോഗസ്ഥന്‍ കാറിന്റെ ഡോര്‍ തുറക്കുകയും മോശമായ പെരുമാറ്റം അവസാനിപ്പിക്കാന്‍ ആവശ്യപ്പെടുകയും ചെയ്തു. ഈസമയത്ത് ആരോണ്‍ പൂര്‍ണമായി നഗ്നനായിരുന്നു. കാറില്‍ നിന്ന് പുറത്തിറക്കുന്നതിനിടെ ആരോണ്‍ കുതറിമാറി രക്ഷപ്പെടാന്‍ ശ്രമിച്ചെങ്കിലും പിന്നീട് ഇയാള്‍ പിടിയിലാകുകയായിരുവെന്ന് പൊലീസ് പറയുന്നു. ഇരുവര്‍ക്കുമെതിരെ  അപമര്യാദയായി പെരുമാറിയെന്നത് ഉള്‍പ്പെടെയുളള വകുപ്പുകള്‍ പൊലീസ് ചുമത്തി.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com