കയ്റോ: അന്തരിച്ച ഈജിപ്ഷ്യൻ മുൻ പ്രസിഡന്റ് മുഹമ്മദ് മുർസിയുടെ മകൻ അബ്ദുള്ള മുർസി (25) മരിച്ചു. ഹൃദയാഘാതത്തെ തുടർന്നാണ് മരണം. കയ്റോയിലേക്കു വാഹനം ഓടിക്കുന്നതിനിടെയാണ് ഹൃദയാഘാതമുണ്ടായത്. കയ്റോയിലെ ഒയാസിസ് ആശുപത്രിയിൽ അബ്ദുള്ളയെ എത്തിച്ചെങ്കിലും ജീവൻ രക്ഷിക്കാനായില്ല.
മുഹമ്മദ് മുർസിയുടെ ഇളയമകനാണ് അബ്ദുള്ള. മുഹമ്മദ് മുർസി അന്തരിച്ച് മൂന്നു മാസം കഴിയും മുന്പാണു മകനും മരണപ്പെടുന്നത്. പിതാവിന്റെ മരണം കൊലപാതകമാണെന്ന് അബ്ദുള്ള ആരോപിച്ചിരുന്നു. അബ്ദുള്ളയുടെ മരണം കുടുംബാംഗങ്ങൾ വാർത്ത ഏജൻസിയോടു സ്ഥിരീകരിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ