റിയാദ്: ആരാംകാ എണ്ണക്കമ്പനിയുടെ സംസ്കരണകേന്ദ്രവും എണ്ണപ്പാടവും ലക്ഷ്യമിട്ട് നടത്തിയ ഡ്രോണ് ആക്രമണത്തിന് പിന്നില് ഇറാനാണെന്ന് സൗദി അറേബ്യ. ഡ്രോണ് ആക്രമണം നടന്നത് ഇറാന്റെ മണ്ണില്നിന്നാണെന്നു യുഎസ് വ്യക്തമാക്കിയതിനു പിന്നാലെയാണ് തെളിവുകള് പുറത്തുവിട്ട് ഇറാന് രംഗത്തെത്തിയത്.
ഇതോടെ മധ്യപൂര്വ ദേശത്തു നിലനില്ക്കുന്ന സംഘര്ഷം കൂടുതല് രൂക്ഷമാകും. ഇന്ന് പ്രാദേശിക സമയം രണ്ടരയ്ക്ക് വിളിച്ചു ചേര്ത്ത വാര്ത്താസമ്മേളനത്തില് തെളിവുകളും ആക്രമണത്തിന് ഉപയോഗിച്ച് ഇറാന് നിര്മിത ആയുധങ്ങളും പ്രദര്ശിപ്പിച്ചിരുന്നു. ശനിയാഴ്ച നടന്ന ആക്രമണത്തില് ഇരുപത്തിയഞ്ച് ഡ്രോണുകളും മിസൈലുകളും ഉപയോഗിച്ചുവെന്ന് സൗദി സഖ്യ വക്താവ് കേണല് തുര്ക്കി അല് മാലികി പറഞ്ഞു.
'ഈ ആക്രമണം സൗദി അരാംകോയ്ക്കോ സൗദി അറേബ്യയ്ക്കോ എതിരല്ല, അത് അന്താരാഷ്ട്ര സമൂഹത്തിന് എതിരായിരുന്നെന്നും വാര്ത്താ സമ്മേളനത്തില് കേണല് തുര്ക്കി അല് മാലികി പറഞ്ഞു.
തെക്കുപടിഞ്ഞാറന് ഇറാനില്നിന്നാണ് ആക്രമണമെന്ന് അമേരിക്ക സ്ഥിരീകരിച്ചിരുന്നു. ആക്രമണത്തിനു മറുപടി നല്കാന് തങ്ങള്ക്കു ശേഷിയുണ്ടെന്ന് സൗദി ഭരണാധികാരി സല്മാന് രാജാവ് പ്രതികരിക്കുകയും ചെയ്തു. യുഎസ് വിദേശകാര്യ സെക്രട്ടറി മൈക്ക് പോംപിയോയും മറ്റ് ഉദ്യോഗസ്ഥരും സൗദിയിലേക്കു തിരിച്ചിട്ടുണ്ട്. ആക്രമണം സംബന്ധിച്ച് തെളിവുകള് പുറത്തുവിടണമെന്ന് പല രാജ്യങ്ങളും ആവശ്യപ്പെട്ടു. ആക്രമണത്തിന്റെ ഉത്തരവാദിത്തം യെമനിലെ ഹൂതി വിഭാഗം ഏറ്റെടുത്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ