കോവിഡ് ബാധിതരുടെ എണ്ണം 9 ലക്ഷം കടന്നു; മരണം അരലക്ഷത്തിലേക്ക്

രോഗബാധിതരായി 45,334 പേര്‍ മരിച്ചു
കോവിഡ് ബാധിതരുടെ എണ്ണം 9 ലക്ഷം കടന്നു; മരണം അരലക്ഷത്തിലേക്ക്

റോം: ലോകത്ത് കോവിഡ് ബാധിച്ചവരുടെ എണ്ണം 9 ലക്ഷം കടന്നു. ഇതുവരെ 903,799 പേര്‍ക്ക് കോവിഡ് ബാധ സ്ഥിരീകരിച്ചതായാണ് കണക്കുകള്‍. രോഗബാധിതരായി 45,334 പേര്‍ മരിച്ചു. ഇതുവരെ രോഗവിമുക്തരായവര്‍ 190,675 ആണ്.

ഏറ്റവും കൂടുതല്‍ പേര്‍ മരിച്ചത് ഇറ്റലിയിലാണ്. 13,155 പേരാണ് ഇതുവരെ മരിച്ചത്. ഇന്നുമാത്രം 727 പേര്‍ മരിച്ചു. രോഗബാധിതരുടെ എണ്ണം ഒരുലക്ഷത്തിരണ്ടായിരത്തി ഒരുന്നൂറ്റി മുപ്പത്തിയാറായി. സ്‌പെയിനില്‍ ഇതുവരെ മരിച്ചത് 9,053 പേരാണ്. ഇന്ന് മാത്രം 589 പേര്‍ മരിച്ചു. രോഗികളുടെ എണ്ണം ഒരുലക്ഷം കഴിഞ്ഞു.

രോഗികളുടെ എണ്ണത്തില്‍ വലിയ വര്‍ധനവ് ഉണ്ടായത് അമേരിക്കയിലാണ്. രോഗികളുടെ എണ്ണം രണ്ടുലക്ഷം കഴിഞ്ഞു. ഇതുവര 4,394 പേര്‍ മരിച്ചു. ഫ്രാന്‍സ് 3,523, ചൈന 3,312, ജര്‍മ്മനി 848, ഇറാന്‍ 3,036, യുകെ 2,352, നെതര്‍ലന്റ് 1,173 പേരുമാണ് മരിച്ചത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com