മോസ്കോ: ബാല്ക്കണിയില് ഉറക്കാന് കിടത്തിയ കുഞ്ഞ് അതിശൈത്യത്തെ തുടര്ന്ന് മരിച്ചു. റഷ്യയിലെ കിഴക്കന് നഗരമായ ഖബറോസ്കിലാണ് സംഭവം. ഏഴ് മാസം മാത്രം പ്രായമുള്ള ആണ്കുട്ടിയാണ് മരിച്ചത്.
-7 ഡിഗ്രി താപനിലയുള്ള സ്ഥലത്താണ് അഞ്ച് മണിക്കൂറോളം കുഞ്ഞിനെ കിടത്തിയത്. ശുദ്ധവായു ലഭിക്കുന്ന സ്ഥലത്ത് കിടത്തിയാല് കുഞ്ഞുങ്ങള് വേഗത്തില് ഉറങ്ങുമെന്ന വിശ്വാസത്തെ തുടര്ന്നാണ് കുഞ്ഞിന്റെ മാതാപിതാക്കള് ഇങ്ങനെ ചെയ്തതെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു.
കുഞ്ഞിന് ഹൈപ്പോതെര്മിയ ഉണ്ടാവുകയും മരണം സംഭവിക്കുകയുമായിരുന്നു. ക്രിമിനല് വകുപ്പ് പ്രകാരം മാതാപിതാക്കള്ക്കെതിരെ കേസെടുത്തിട്ടുണ്ട്. മാതാപിതാക്കളുടെ പ്രവര്ത്തിക്കെതിരെ വലിയ വിമര്ശനം ഉയര്ന്നതോടെ ഇടപെടലുമായി പ്രാദേശിക ആരോഗ്യ മന്ത്രാലയം രംഗത്തെത്തി. പ്രായമായവരേയും കുഞ്ഞുങ്ങളേയും ഈ കാലാവസ്ഥയില് ഒരിക്കലും വീടിന് പുറത്ത് നിര്ത്തരുതെന്നാണ് നിര്ദേശം നല്കിയിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ