ന്യൂയോര്ക്ക് : ലോകത്തെ ആശങ്കയിലാഴ്ത്തി കോവിഡ് രോഗവ്യാപനം വര്ധിക്കുകയാണ്. ആഗോളതലത്തില് കോവിഡ് ബാധിതരുടെ എണ്ണം 93 ലക്ഷം കടന്നു. കഴിഞ്ഞ 24 മണിക്കൂറിനിടെ രോഗം സ്ഥിരീകരിച്ചത് 1,59,935 പേര്ക്കാണ്. ഇതുവരെ 93, 53,735 പേര്ക്ക് കൊറോണ ബാധിച്ചതായാണ് കണക്കുകള്.
കോവിഡ് മരണം നാലര ലക്ഷം കടന്നു. ഇതുവരെ 4,79,805 പേരാണ് ലോകത്ത് വൈറസ് ബാധ മൂലം മരിച്ചത്. 50 ലക്ഷത്തിലേറെ പേര് രോഗമുക്തി നേടി. ഇതുവരെ രോഗം ഭേദമായവര് 50,41,711 ആണ്.
ലോകത്ത് ഏറ്റവും അധികം ആശങ്ക ഉയര്ത്തുന്നത് ബ്രസീലിലാണ്. കഴിഞ്ഞ 24 മണിക്കൂറിനിടെ 1364 പേരാണ് ബ്രസീലില് മരിച്ചത്. ഇന്നലെ മാത്രം നാല്പ്പതിനായിരത്തിലേറെ പേര്ക്ക് രോഗം സ്ഥിരീകരിച്ചു. ഇതുവരെ 11,51,479 പേര്ക്കാണ് ഇതുവരെ രോഗം സ്ഥിരീകരിച്ചത്.
അമേരിക്കയില് 24 മണിക്കൂറിനിടെ 30,000 ലേറെ പേര്ക്ക് കോവിഡ് സ്ഥിരീകരിച്ചു. 878 പേര് മരിച്ചു. ദക്ഷിണാഫ്രിക്കയിലും രോഗികളുടെ എണ്ണം കൂടുകയാണ്. 24 മണിക്കൂറിനിടെ 4500 ലേറെ പേര്ക്കാണ് രോഗബാധ സ്ഥിരീകരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ