ലോകത്ത് 48 ലക്ഷത്തിലധികം കോവിഡ് ബാധിതര്‍; മരണം 3,16,658, അമേരിക്കയിൽ മാത്രം ഇന്നലെ മരിച്ചത് 865 പേർ
By സമകാലിക മലയാളം ഡെസ്‌ക്‌ | Published: 18th May 2020 07:06 AM |
Last Updated: 18th May 2020 07:06 AM | A+A A- |
വാഷിങ്ടൺ: ലോകത്ത് കോവിഡ് ബാധിതരുടെ എണ്ണം 48 ലക്ഷം കവിഞ്ഞു. രോഗബാധിതരുടെ എണ്ണം ഇതുവരെ 4,801,510 ആയി. കോവിഡ് ബാധിച്ച് 316,658 പേരാണ് ഇതുവരെ മരിച്ചത്. കഴിഞ്ഞ 24 മണിക്കൂറിനിടെ അമേരിക്കയിൽ മാത്രം 865 മരണമാണ് റിപ്പോർട്ട് ചെയ്തത്. 1,858,079 രോഗമുക്തി നേടിയതായാണ് റിപ്പോർട്ടുകൾ.
ഇന്നലെ ഏറ്റവും കൂടുതൽ പേർ കോവിഡ് പോസിറ്റീവായത് റഷ്യയിലാണ്. 9709 പേർക്കാണ് റഷ്യയിൽ ഇന്നലെ മാത്രം രോഗം സ്ഥിരീകരിച്ചത്. ഞായറാഴ്ച ഏറ്റവും കൂടുതൽ പേർ രോഗികളായതിൽ രണ്ടാമത് ഇന്ത്യയാണ്. സൗദി അറേബ്യ (2736), മെക്സിക്കോ (2112), ഇറാൻ (1806), യു.എസ്. (1649), ഖത്തർ (1632) എന്നിങ്ങനെയാണ് മറ്റ് രാജ്യങ്ങളിലെ രോഗബാധിതരുടെ കണക്ക്. പാകിസ്താനിൽ കോവിഡ്-19 രോഗികൾ 40,151 ആയി. 1352 പേർക്കാണ് ഇന്നലെ വൈറസ് സ്ഥിരീകരിച്ചത്.
അമേരിക്കയിൽ ഇതുവരെ 90,142 പേരാണ് കോവിഡ് ബാധിച്ച് മരിച്ചത്. സ്പെയിൻ - 27,650, യു.കെ. - 34,466, ഫ്രാൻസ് - 27,625, ഇറ്റലി - 31,763 എന്നിങ്ങനെ പോകുന്നു മറ്റ് രാജ്യങ്ങളിലെ മരണ നിരക്ക്.
