പാര്‍ലമെന്റ് സമ്മേളനത്തിനിടെ പരിസരം മറന്ന് മൊബൈലില്‍ അശ്ലീല വീഡിയോ കണ്ട് എം പി ; ചിത്രം പുറത്ത്, വിചിത്ര വിശദീകരണം

പാര്‍ലമെന്റിലെ ഗാലറിയിരുന്ന മാധ്യമപ്രവര്‍ത്തകര്‍ അശ്ലീല വീഡിയോ കാണുന്ന എംപിയുടെ ചിത്രം പകര്‍ത്തി പുറത്തുവിടുകയായിരുന്നു
പ്രതീകാത്മക ചിത്രം
പ്രതീകാത്മക ചിത്രം

ബാങ്കോക്ക് : പാര്‍ലമെന്റ് സമ്മേളനത്തിനിടെ മൊബൈല്‍ ഫോണില്‍ അശ്ലീലദൃശ്യങ്ങള്‍ കണ്ടുകൊണ്ടിരുന്ന എംപിയുടെ ചിത്രം പുറത്ത്. തായ് ലന്‍ഡ് പാര്‍ലമെന്റംഗം റൊന്നതെപ് അനുവാത് ആണ് പാര്‍ലമെന്റില്‍ ബജറ്റ് അവതരണത്തിനിടെ പോണ്‍ വീഡിയോയില്‍ മുഴുകിയത്. 

പാര്‍ലമെന്റിലെ ഗാലറിയിരുന്ന മാധ്യമപ്രവര്‍ത്തകര്‍ അശ്ലീല വീഡിയോ കാണുന്ന എംപിയുടെ ചിത്രം പകര്‍ത്തി പുറത്തുവിടുകയായിരുന്നു. 10 മിനുട്ടു നേരമാണ് അനുവാത് പരിസരം മറന്ന് വീഡിയോയില്‍ മുഴുകിയത്. മാസ്‌ക് പോലും ഊരിവെച്ചായിരുന്നു എംപി വീഡിയോ കണ്ടതെന്നാണ് റിപ്പോര്‍ട്ട്. 

സംഭവം വിവാദമായതോടെ വിശദീകരണവുമായി എംപി റൊന്നതെപ് അനുവാത് രംഗത്തെത്തി. തന്നോട് സഹായം അഭ്യര്‍ത്ഥിച്ച യുവതിയുടെ ചിത്രമാണ് ഫോണില്‍ കണ്ടതെന്നും അവരുടെ ചുറ്റുപാടുകള്‍ മനസിലാക്കുന്നതിന് വേണ്ടിയാണ് താന്‍ ഫോണില്‍ ചിത്രം നോക്കിയതെന്നുമാണ് എം പിയുടെ വിശദീകരണം.

തായ്‌ലന്‍ഡിലെ ഭരണകക്ഷിയായ പലാംഗ് പ്രചാരത് പാര്‍ട്ടിയുടെ എം പിയാണ് അശ്ലീല വീഡിയോ കണ്ടത്. സംഭവത്തില്‍ സര്‍ക്കാര്‍ എംപിയോട് വിശദീകരണം തേടി. അതേസമയം എം പി ഫോണില്‍ നോക്കിയത് വ്യക്തിപരമായ കാര്യമാണെന്നും, അതിന്റെ പേരില്‍ നടപടി എടുക്കാനാകില്ലെന്നും പാര്‍ലമെന്റ് സ്പീക്കര്‍ ചുവാന്‍ ലീക്‌പൈ പറഞ്ഞു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com