താലിബാന്‍: അല്‍ ഖ്വയ്ദയുടെ പ്രധാന നേതാവ് അമിന്‍ ഉള്‍ ഹഖ് അഫ്ഗാനിസ്ഥാനില്‍ തിരിച്ചെത്തി. യു എസ് വധിച്ച അല്‍ ഖ്വയ്ദ തലവന്‍ ഒസാമ ബിന്‍ ലാദന്റെ അടുത്ത സഹായി ആയിരുന്ന അമിന്‍ സ്വദേശമായ നാന്‍ഗര്‍ഹാര്‍ പ്രവിശ്യയിലേക്കാണ് മടങ്ങിയെത്തിയിരിക്കുന്നത്.
അഫ്ഗാനിലെ തോറ ബോറയില്‍ ആയിരുന്നപ്പോള്‍ ലാദന്റെ സുരക്ഷാ ചുമതല വഹിച്ചിരുന്നത് അമിന്‍ ആണ്. എണ്‍പതുകൡലാണ് ഇരുവര്‍ക്കും ഇടയിലെ അടുപ്പം ശക്തമായത്. അഫ്ഗാന്‍ ഭരണം താലിബാന്‍ കൈക്കലാക്കിയതിന് പിന്നാലെയാണ് അമിന്റെ മടക്കം.
അഫ്ഗാനിലെത്തുന്ന അമിന്റെ വിഡിയോ ഇതിനോടകം പുറത്തെത്തിക്കഴിഞ്ഞു.ആളുകള്‍ അമിനെ കാണാന്‍ ഓടിയെത്തുന്നതും അനുഗ്രഹം വാങ്ങുന്നതും സെല്‍ഫി എടുക്കുന്നതുമെല്ലാം വിഡിയോയില്‍ കാണാം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
