പ്രണയദിനവും കോവിഡ് വാക്സിനേഷനും ബന്ധപ്പെടുത്തിയുള്ള ഒരു പരസ്യമാണ് ഇന്റർനെറ്റിൽ തരംഗമാകുന്നത്. അമേരിക്കയിലെ പ്രശസ്തനായ ടിവി അവതാരകൻ ജിമ്മി കിമ്മലിന്റെ ജിമ്മി കിമ്മൽ എന്ന ഷോയിലാണ് ഈ പരസ്യം ആദ്യം പ്രത്യക്ഷപ്പെട്ടത്. വാലന്റൈൻസ് ഡേയ്ക്കുള്ള 'തികഞ്ഞ സമ്മാനത്തിന്റെ ഒരു ഷോട്ട്' എന്നാണ് ഫൈസർ വാക്സിനെ പരസ്യത്തിൽ വിശേഷിപ്പിച്ചിരിക്കുന്നത്.
ഒരു വ്യക്തി തന്റെ പങ്കാളിയോട് പ്രണയം തുറന്നുപറയുന്ന രംഗങ്ങളാണ് പരസ്യത്തിലുള്ളത്. റോസാപ്പൂക്കളും ചോക്ലേറ്റും മോതിരവുമൊക്കെ നൽകുന്നതിന് പകരം കോവിഡ് 19 വാക്സിന്റെ ഒരു ഡോസ് നൽകിയാണ് പ്രപ്പോസൽ. "അവളുടെ ആരെങ്കിലും ആകുന്നതിന് പകരം അവളുടെ ആന്റീബോഡി ആകൂ" എന്ന പരസ്യത്തിലെ വാചകമാണ് ഏറ്റവുമധികം ശ്രദ്ധനേടിയിരിക്കുന്നത്.
കോവിഡ് -19 വാക്സിൻ കുത്തിവയ്പ്പെടുക്കാൻ ആളുകളെ പ്രചോദിപ്പിക്കുകയാണ് പരസ്യം. വീഡിയോ വൈറലായതിന് പിന്നാലെ ആനന്ദ് മഹീന്ദ്ര അടക്കമുള്ളവരാണ് ഇത് പങ്കുവച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ