ഹോങ്കോങ്: 35കാരിയായ പ്രമുഖ ബിസിനസ് സംരംഭക ലുവോ ലിലി അഞ്ചുമാസമുള്ള കുഞ്ഞുമായി അപ്പാര്‍ട്ട്‌മെന്റില്‍നിന്ന് ചാടി ആത്മഹത്യ ചെയ്തു. സംഭവത്തില്‍ പൊലീസ് അന്വേഷണം ആരംഭിച്ചു. ആത്മഹത്യാകുറിപ്പുകളൊന്നും കണ്ടെടുത്തിട്ടില്ല. പ്രസവത്തെ തുടര്‍ന്നുണ്ടായ വിഷാദമാണ് ആത്മഹത്യ ചെയ്യാന്‍ കാരണമെന്നാണ് പ്രാഥമിക വിവരം.
ഹിലരി ക്ലിന്റന്‍, പ്രശസ്ത ഗായിക റിറ്റ ഓറ എന്നിവരടക്കമുള്ളവരുമായി അടുപ്പമുള്ള ലുവോയെയും കുഞ്ഞിനെയും ബുധനാഴ്ചയാണ് അപ്പാര്‍ട്ട്‌മെന്റിനു താഴെ മരിച്ച നിലയില്‍ കണ്ടെത്തിയത്. 28ാം വയസ്സില്‍ ആദ്യത്തെ ബിസിനസ് സംരംഭം ആരംഭിച്ച ലുവോയ്ക്ക് യുഎസ്, ദക്ഷിണ കൊറിയ എന്നിവിടങ്ങളില്‍നിന്നും പിന്തുണ ലഭിച്ചിരുന്നു.
സമൂഹമാധ്യമങ്ങളില്‍ ഏറെ സജീവമായിരുന്ന ലുവോ ലിലോ, അടുത്തിടെയാണ് സിംഗിള്‍ മദറെന്ന കാര്യം തുറന്നു പറഞ്ഞത്. മകള്‍ ജനിച്ചതിന്റെ 100ാം ദിനത്തില്‍ മകളെക്കുറിച്ച് സമൂഹമാധ്യമങ്ങളില്‍ പോസ്റ്റിട്ടിരുന്നു. മകളുടെ ചിത്രത്തിനൊപ്പം പങ്കുവച്ച പോസ്റ്റില്‍, ദൈവത്തിന്റെ ദാനമെന്നു കുറിച്ചിരുന്നു. ചൈനയിലെ റിയല്‍ എസ്‌റ്റേറ്റ് സംരംഭകയായ അമ്മയുടെ ഏക മകളാണ് ലുവോ. പിതാവ് ഡോക്ടറാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
