ലാന്‍ഡിങ്ങിന് തൊട്ടുമുന്‍പ് പൈലറ്റിന്റെ ദേഹത്ത് എട്ടുകാലി വീണു; പിന്നെ സംഭവിച്ചത് - വൈറല്‍ വീഡിയോ 

ലാന്‍ഡിങ്ങിനിടെ, വിമാനത്തിന്റെ കോക്ക്പിറ്റില്‍ പൈലറ്റിന്റെ ദേഹത്ത് വീണ എട്ടുകാലി പരിഭ്രാന്തി പരത്തി
വിമാനത്തില്‍ കണ്ടെത്തിയ എട്ടുകാലി
വിമാനത്തില്‍ കണ്ടെത്തിയ എട്ടുകാലി

സിഡ്‌നി: ലാന്‍ഡിങ്ങിനിടെ, വിമാനത്തിന്റെ കോക്ക്പിറ്റില്‍ പൈലറ്റിന്റെ ദേഹത്ത് വീണ എട്ടുകാലി പരിഭ്രാന്തി പരത്തി. അപ്രതീക്ഷിതമായി എട്ടുകാലി ദേഹത്ത് വീണതിന്റെ ഞെട്ടലില്‍ ഒരു നിമിഷം പൈലറ്റിന്റെ ഭാഗത്ത് നിന്ന് ഉണ്ടായ പ്രതികരണത്തിന്റെ ദൃശ്യങ്ങള്‍ പുറത്തുവന്നു. എന്നാല്‍ അനിഷ്ട സംഭവങ്ങള്‍ ഒന്നും ഉണ്ടായില്ലെന്നും യാത്രക്കാര്‍ എല്ലാവരും സുരക്ഷിതരാണെന്നുമാണ് റിപ്പോര്‍ട്ടുകള്‍.

ഓസ്‌ട്രേലിയയില്‍ കക്കാട് ദേശീയ പാര്‍ക്കിന് മുകളില്‍ വച്ചാണ് സംഭവം. ചെറിയ വിമാനം ലാന്‍ഡ് ചെയ്യാന്‍ പോകുന്നതിനിടെയാണ് നാടകീയമായ സംഭവങ്ങള്‍ ഉണ്ടായത്. പൈലറ്റ് ഇരിക്കുന്ന സീറ്റിന് മുകളില്‍ വിമാനത്തിന്റെ മേല്‍ഭാഗത്ത് കൂടി എട്ടുകാലി ഇഴഞ്ഞുനീങ്ങുന്നതാണ് വീഡിയോയുടെ തുടക്കത്തില്‍. തുടര്‍ന്ന് പൈലറ്റിന്റെ ദേഹത്തേക്ക് എട്ടുകാലി വീഴുകയായിരുന്നു. അപ്രതീക്ഷിതമായി എട്ടുകാലി വീണതിന്റെ ഞെട്ടലില്‍ പൈലറ്റിന്റെ ഭാഗത്ത് നിന്നുണ്ടാകുന്ന പ്രതികരണമാണ് വീഡിയോയിലുള്ളത്. ഒരു നിമിഷം പൈലറ്റിന് നിയന്ത്രണം നഷ്ടപ്പെട്ട സമയത്ത് വിമാനത്തിന് വിറയല്‍ സംഭവിക്കുന്നത് വീഡിയോയില്‍ വ്യക്തമാണ്. 

വിമാനത്തിലെ യാത്രക്കാരാണ് വീഡിയോ പകര്‍ത്തിയത്. എട്ടുകാലി വീണതിന്റെ പരിഭ്രാന്തിയില്‍ പൈലറ്റ് തട്ടിമാറ്റാന്‍ ശ്രമിക്കുന്നതാണ് വീഡിയോയുടെ ഉള്ളടക്കം. വിമാനം അറ്റകുറ്റപ്പണി ചെയ്യുന്നവരുടെ ഭാഗത്ത് നിന്നുണ്ടായ വീഴ്ചയാണ് എട്ടുകാലി കോക്ക്പിറ്റില്‍ കുടുങ്ങാന്‍ കാരണമെന്നാണ് റിപ്പോര്‍ട്ടുകള്‍.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com