ബീജിംഗ്: ചൈനയിലെ ഷോപ്പിംഗ് മാളില് യന്ത്ര തകരാറിനെ തുടര്ന്ന് ഡ്രോണുകള് കൂട്ടത്തോടെ താഴേക്ക് പതിച്ചത് പരിഭ്രാന്തി പരത്തി. കത്തുന്ന തീപന്തം പോലെ ഡ്രോണുകള് ഒന്നിന് പിറകേ ഒന്നായി താഴേക്ക് പതിച്ചപ്പോള് ഭയന്ന് വിറച്ച് നാട്ടുകാര് ചിതറിയോടുന്ന ദൃശ്യങ്ങള് പുറത്തുവന്നു.
ഹെനാന് പ്രവിശ്യയിലെ സെങ്ഷോ ഹൈടെക് സോണിലെ വാന്ഡ പ്ലാസ ഷോപ്പിംഗ് മാളിലാണ് സംഭവം. ലൈറ്റ് ഷോയുടെ ഭാഗമായി 200ലധികം ഡ്രോണുകളാണ് ക്രമീകരിച്ചിരുന്നത്. ഏതാനും നിമിഷങ്ങള്ക്കകം ഡ്രോണുകളില് ഭൂരിഭാഗവും പ്രവര്ത്തനരഹിതമായി. ഇതോടെ താഴേക്ക് പതിക്കുകയായിരുന്നു.
കത്തുന്ന തീപന്തം പോലെ ഡ്രോണുകള് താഴേക്ക് പതിക്കുന്ന ദൃശ്യങ്ങളാണ് പുറത്തുവന്നത്. വഴിയാത്രക്കാര് ഇത് കണ്ട് ഒച്ചവെയ്ക്കുകയും ഓടി മറയുന്നതും വീഡിയോയില് വ്യക്തമാണ്. ലൈറ്റ് ഷോ കാണാന് എത്തിയവരാണ് പേടിച്ച് ചിതറിയോടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ