ന്യൂയോര്‍ക്ക് : ഭൂമിയെ ലക്ഷ്യമാക്കി വരുന്ന ആയിരാമത്തെ ഉല്‍ക്കയെ പ്രമുഖ ബഹിരാകാശ ഗവേഷണ സ്ഥാപനമായ നാസ കണ്ടെത്തി. ഭൂമിയില്‍ നിന്ന് 17 ലക്ഷം കിലോമീറ്റര്‍ അകലെ കൂടിയാണ് ഇത് കടന്നുപോകുക എന്ന് നാസ അറിയിച്ചു.
നിലവില്‍ ഇത് ഭൂമിക്ക് യാതൊരുവിധ ഭീഷണിയും സൃഷ്ടിക്കുന്നില്ല. ചെറിയ ഉല്‍ക്കയാണ്. 65 മുതല്‍ 100 അടി വരെ മാത്രമേ ഇതിന് വീതിയുള്ളൂ. ചെറിയ ഉല്‍ക്കയാണെങ്കിലും ഭൂമിയെ ലക്ഷ്യമാക്കി വരുന്ന ആയിരമാത്തെ ഉല്‍ക്ക എന്ന പേരില്‍ ഇത് ചരിത്രത്തില്‍ ഇടംപിടിക്കും. 2021 പിജെ വണ്‍ എന്നാണ് ഇതിന് പേര് നല്‍കിയിരിക്കുന്നത്.
ആയിരമത്തെ ഉല്‍ക്കയെ കണ്ടെത്തി ഏഴു ദിവസത്തിനകം മറ്റൊരു ഉല്‍ക്ക കൂടി നാസയുടെ നിരീക്ഷണ റഡാറില്‍ പതിഞ്ഞു. മുന്‍പത്തെ അപേക്ഷിച്ച് ഇതിന് വലിപ്പം കൂടുതലാണ്. ഭൂമിയുടെ 34 ലക്ഷം കിലോമീറ്റര്‍ അകലെ കൂടിയാണ് ഇത് കടന്നുപോകുക. നാസയുടെ ജെറ്റ് പ്രൊപ്പല്‍ഷന്‍ ലബോറട്ടറിയാണ് ഉല്‍ക്കകളെ കണ്ടെത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
