ലോകകപ്പിലെ ഇന്ത്യാ-പാക് പോരില്‍ മഴ വില്ലനായി എത്തുമോയെന്നായിരുന്നു ആരാധകരുടെ ആശങ്ക. പക്ഷേ മഴയായി പൊഴിയാതെ മഴ മേഘങ്ങള്‍ ഓള്‍ഡ് ട്രഫോര്‍ഡില്‍ സ്വയം നിയന്ത്രിച്ചു. ടോസും കളിയുമെല്ലാം കൃത്യ സമയത്ത് തന്നെ തുടങ്ങി. ഈ സമയം മാഞ്ചസ്റ്ററില്‍ ഇന്ത്യ-പാക് പോര് നടക്കുന്നിടത്ത് നിന്ന് ആരാധകര്‍ക്ക് മുന്നിലേക്ക് മറ്റൊരാള്‍ കൂടി എത്തി..ബോളിവുഡ് താരം രണ്‍വീര്‍ സിങ്.
കാലാവസ്ഥയെ സംബന്ധിച്ച് ആരാധകരുടെ ആശങ്കകളെല്ലാം തീര്‍ത്താണ് രണ്‍വീര്‍ വീഡിയോയുമായി എത്തിയത്. സ്‌റ്റേഡിയത്തിലെ ആരാധകരുടെ ആര്‍മാദിക്കലിനെ കുറിച്ചുമെല്ലാം രണ്‍വീര്‍ പറയുന്നു. ഇന്ത്യയുടെ ലോകകപ്പ് ഹീറോ കപില്‍ ദേവായി 83ല്‍ എത്തുന്നതിനുള്ള ഒരുക്കങ്ങള്‍ക്കിടയിലാണ് രണ്‍വീര്‍ ഇന്ത്യ-പാക് ആവേശപ്പോരിന് ഇടയിലേക്കും എത്തിയത്.
കളിയിലേക്ക് വരുമ്പോള്‍ ടോസ് നേടിയ പാകിസ്ഥാന്‍ ഇന്ത്യയെ ബാറ്റിങ്ങിന് അയക്കുകയായിരുന്നു. ഓപ്പണിങ്ങിലേക്ക് ഇറങ്ങിയ രാഹുല്‍ പതിയെയാണ് തുടങ്ങുന്നതെങ്കിലും വേഗത്തില്‍ റണ്‍സ്‌കണ്ടെത്താന്‍ രോഹിത്തിന് സാധിക്കുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
