ചീരയും ചുരക്കയും ഒഴിവാക്കി; ശരീരഭാരം കുറച്ചതിന്റെ രഹസ്യം വെളിപ്പെടുത്തി വിദ്യാ ബാലൻ

ശരീരഭാരത്തിന്‍റെ പേരില്‍ നിരന്തരം വിമര്‍ശനങ്ങള്‍ നേരിട്ട താരമാണ് വിദ്യാ ബാലന്‍. ഇപ്പോഴിതാ ശരീരഭാരം കുറച്ചതിന്‍റെ രഹസ്യം വെളുപ്പെടുത്തുകയാണ് താരം.

ശരീരഭാരം കുറയ്ക്കുന്നതിന് എല്ലാവരെയും പോലെ താനും പല ഡയറ്റുകളും കഠിനമായ വ്യായാമങ്ങളും പരീക്ഷിച്ചിരുന്നു. എന്നാല്‍ ഇവയ്ക്ക് ശരീരഭാരത്തില്‍ മാറ്റം ഉണ്ടാക്കാനായില്ലെന്നും വിദ്യാ ബാലന്‍ പറഞ്ഞു.

തന്‍റെ വണ്ണം കൊഴുപ്പ് അടിഞ്ഞു കൂടിയതുകൊണ്ടല്ല, നീര്‍ക്കെട്ടു മൂലമാണെന്ന് പിന്നീട് മനസിലായി. അതോടെ വര്‍ക്കൗട്ട് ചെയ്യുന്നത് നിര്‍ത്തി. കഴിഞ്ഞ ഒരു വര്‍ഷമായി താന്‍ വര്‍ക്കൗട്ട് ചെയ്യുന്നില്ല.

വര്‍ക്കൗട്ട് ചെയ്യാത തന്‍റെ ആദ്യത്തെ വര്‍ഷമാണിത്.

നീര്‍ക്കെട്ട് ഒഴിവാക്കാനുള്ള ഡയറ്റ് പിന്തുടര്‍ന്നു. അത് തന്നില്‍ വര്‍ക്ക് ആയെന്നും വിദ്യ പറഞ്ഞു.

ചുരക്ക, ചീര പോലുള്ള പച്ചക്കറികള്‍ തനിക്ക് ചേരില്ല. അത്തരം പച്ചക്കറികള്‍ ഡയറ്റില്‍ നിന്ന് ഒഴിവാക്കി. അതോട് ശരീരഭാരത്തില്‍ ഗണ്യമായ മാറ്റം ഉണ്ടാവാന്‍ തുടങ്ങി.

എല്ലാവര്‍ക്കും എല്ലാ പച്ചക്കറികളും കഴിക്കാമെന്നാണ് നമ്മള്‍ ചിന്തിക്കുന്നത്. എന്നാല്‍ അങ്ങനെയല്ല, ഒരാള്‍ക്ക് കഴിക്കാവുന്നത് മറ്റൊരാളുടെ ആരോഗ്യത്തിന് ചേരണമെന്നില്ല.

മനസിനെ സ്വാധീനിക്കുന്ന നിറങ്ങള്‍; തരംഗമാകുന്ന കളര്‍ തെറാപ്പി