ഉറക്കമില്ലേ..? ഇനി മുതൽ സാലഡിൽ അൽപം മത്തങ്ങ വിത്തുകൾ കൂടി ചേർക്കൂ

അവശ്യ പോഷകങ്ങളുടെ ഒരു മിനി പാക്ക് ആണ് മത്തങ്ങ വിത്തുകള്‍. മഗ്നീഷ്യം, സിങ്ക്, ആരോഗ്യകരമായ കൊഴുപ്പ് തുടങ്ങിയവ അടങ്ങിയ വിത്തുകള്‍ മികച്ച ഒരു സ്നാക് കൂടിയാണ്.

മഗ്നീഷ്യം

മഗ്നീഷ്യം ധാരാളം അടങ്ങിയ മത്തങ്ങ വിത്തുകള്‍ രക്തസമ്മര്‍ദം നിയന്ത്രിക്കാനും എല്ലുകളുടെ ബലത്തിനും ഹൃദ്രോഗ സാധ്യത കുറയ്ക്കാനും സഹായിക്കും.

സിങ്ക്

പ്രതിരോധ ശേഷിയെ പോഷിപ്പിക്കുന്ന സിങ്കിന്‍റെ മികച്ച ഉറവിടമാണ് മത്തങ്ങ വിത്തുകള്‍. ഇത് അണുബാധ ഉണ്ടാകുന്നത് തടയുകയും മുറിവുകള്‍ പെട്ടെന്ന് ഉണങ്ങാനും സഹായിക്കും.

ആരോഗ്യകരമായ കൊഴുപ്പ്

ഹൃദയത്തിന്‍റെ ആരോഗ്യം മെച്ചപ്പെടുത്തുന്നതിന് ഒമേഗ 3, ഒമേഗ 6 ഫാറ്റി ആസിഡുകള്‍ ഇതില്‍ ധാരാളം അടങ്ങിയിട്ടുണ്ട്. ഇത് ചീത്ത കൊളസ്ട്രോള്‍ ഒഴിവാക്കാനും ഹൃദ്രോഗ സാധ്യത കുറയ്ക്കുകയും ചെയ്യുന്നു.

ട്രിപ്റ്റോഫാൻ

ഉറക്കമില്ലായ്മ പരിഹരിക്കാനും മത്തങ്ങ വിത്തുകൾ കഴിക്കുന്നത് നല്ലതാണ്. ഇതിൽ അടങ്ങിയിരിക്കുന്ന ട്രിപ്റ്റോഫാൻ എന്ന സംയുക്തം ശരീരത്തിനും മനസിനും വിശ്രമം പ്രോത്സാഹിപ്പിക്കുന്നു. രാത്രി കിടക്കുന്നതിന് മുൻപ് ചെറിയ അളവിൽ മത്തങ്ങ വിത്തുകൾ കഴിക്കുന്നത് ഉറക്ക ചക്രം ക്രമീകരിക്കാനും സഹായിക്കും.

നാരുകൾ

ധാരാളം നാരുകൾ അടങ്ങിയിട്ടുള്ളതിനാൽ മത്തങ്ങ വിത്തുകൾ കഴിക്കുന്നത് മികച്ച ദഹനത്തിന് സഹായിക്കും. കൂടാതെ കുടലിലെ നല്ല ബാക്ടീരിയയുടെ വളർച്ചയെ ഇത് പ്രോത്സാഹിപ്പിക്കും. മലബന്ധം, ​ഗ്യാസ് സംബന്ധമായ അസുഖങ്ങൾ എന്നിവയ്ക്കും മത്തങ്ങ വിത്തുകൾ കഴിക്കുന്നത് നല്ലതാണ്.

ആന്റി-ഓക്സിഡന്റുകൾ

കാരോറ്റനോയ്‌ഡുകൾ വിറ്റാമിൻ ഇ എന്നീ ആന്റി-ഓക്സിഡന്റുകളാൽ സമ്പന്നമാണ് മത്തങ്ങ വിത്തുകൾ. ഇത് ഫ്രീ-റാഡിക്കലുമായി പൊരുതുകയും കോശങ്ങൾ നശിക്കുന്ന് തടയുകയും ചെയ്യുന്നു. ഇത് ശരീര വീക്കം മുതൽ കാൻസർ വരെയുള്ള രോ​ഗാവസ്ഥയെ തടയും.

പ്രോട്ടീൻ

കുറഞ്ഞ ​ഗ്ലൈസെമിക് സൂചിക ആയതുകൊണ്ട് തന്നെ പ്രമേഹ രോ​ഗികൾക്കും മത്തങ്ങ വിത്തുകൾ കഴിക്കാം. ഇതിൽ അടങ്ങിയിരിക്കുന്ന പ്രോട്ടീൻ, ആരോ​ഗ്യകരമായ കൊഴുപ്പ് എന്നിവ രക്തത്തിലെ പഞ്ചസാരയുടെ അളവു വർധിക്കാതെ തടയും.

ഇന്നറിഞ്ഞില്ലെങ്കില്‍ പിന്നെ എന്നറിയും; ലോക മുട്ട ദിനം